У Залессі Смаргонскага раёна можна будзе пазнаёміцца з экспанатамі Крэўскага і Гальшанскага замкаў
19 лістапада ў музеі-сядзібе М.-К. Агінскага ў Залессі Смаргонскага раёна адбудзецца прэзентацыя выставы Гродзенскага дзяржаўнага гісторыка-археалагічнага музея “Мураваныя замкі Гродзеншчыны XIV-XVII стагоддзяў па матэрыялах археалагічных даследаванняў”.
Як распавяла парталу Край.бай экскурсавод музея-сядзібы Наталля Чудакоўская, на гэтай выставе будуць прадстаўленыя прадметы быту, зброі, будаўнічых матэрыялаў з Гродзенскага, Лідскага, Крэўскага, Навагрудскага, Мірскага, Гальшанскага, Любчанскага, Геранёнскага і іншых замкаў.
Таксама ў наведвальнікаў выставы будзе магчымасць пазнаёміцца не толькі з гісторыяй, але і з чарцяжамі і макетамі замкаў.
Выстава “Мураваныя замкі Гродзеншчыны XIV-XVII стагоддзяў па матэрыялах археалагічных даследаванняў” будзе адкрыта да 28 снежня. Прэзентацыя – 19 лістапада. Пачатак – у 12.00. Уваход вольны.
Сяргей ЮРЭВІЧ
Читайте также
