Опубликовано: 29 октября 2014, 18:30
81

Клецк у Мінскай вобласці – тлустая кропка ў гісторыі татарскіх наездаў (ВІДЭА)

Праект “Край|BY” выпраўляецца ў апошняе падарожжа другога сезону! Сёння наш шлях ляжыць у Клецк – горад, які стагоддзямі знаходзіўся ў цені свайго яснавяльможнага суседа Нясвіжа, хоць і мае не менш адметную гісторыю!

Людзі тут сяліліся яшчэ ў часы рымскіх імператараў, а драўляны замак збудаваў сам Яраслаў Мудры. Менавіта Клецк паставіў тлустую кропку ў гісторыі татарскіх наездаў. А на гаспадарчых падворках дагэтуль хаваецца ўспамін пра Мікалая Радзівіла Чорнага! А галоўная плошча Клецка названая ў гонар каго б вы думалі? Не Леніна і нават не найзнакаміцейшага тутэйшага жыхара Сымона Буднага, а ў гонар Уладзіміра Маякоўскага. Чаму – пакуль ніхто растлумачыць не здолеў. Можа, ведаеце вы?

Пішыце на razam@budzma.org, запрашайце ў госці, натхняйцеся online-падарожжамі праекта “Край|BY”, вандруйце і адкрывайце для сябе Беларусь! Будзьма разам!

Партал Край.бай з'яўляецца інфармацыйным партнёрам праекта.

Даведка: “Край|BY” – серыя фільмаў, у якіх шчыра, з гумарам і ў рэжыме тач-скрын Павал Харланчук і Вірус беларушчыны, які завёўся ў студыйным камп’ютары, расказваюць пра беларускія мясціны, у якія варта вяртацца зноў і зноў. Другі сезон мультымедыйнага праекта прадстаўляюць супольна Таварыства беларускай мовы імя Ф. Скарыны і Грамадская культурніцкая кампанія “Будзьма беларусамі!”. Захапляльныя таямніцы і цікавосткі збірае для ўсіх нас творчае аб’яднанне “ПАН-студыя”.

Усе відэа, у тым ліку першы сезон, можна паглядзець ТУТ

Kraj.by



Читайте также

В парке чаще берут лыжи на час, на стадионе - на несколько суток. Сходили в пункты проката лыж и коньков в Молодечно
Сегодня, 9 декабря, посетили пункты проката лыж и коньков, расположенные на городском стадионе и в парке имени Победы в Молодечно.
В Мяделе мужчина украл у пенсионера бутылку виски и получил год лишения свободы
8 декабря суд Мядельского района вынес приговор мужчине 1984 года рождения, который приехал в Мядель на подработку.