Глава Беларускай праваслаўнай царквы ізноў наведаў Маладзечна (ФОТА)

Пастырскі візіт адбыўся напярэдадні свята Успення Прасвятой Багародзіцы і быў прымеркаваны да 20-годдзя прыходу храма Успення Прасвятой Багародзіцы.

Партал Край.бай раней пісаў аб запланаваных візітах у Маладзечна главы Беларускай праваслаўнай царквы.

Яго сустракалі благачынны Маладзечанскай царкоўнай акругі пратаіерэй Віталь Багданёнак, настаяцель Свята-Успенскага храма Аляксандр Папоў, святары, царкоўны клір.

Прыхаджане сустракалі мітрапаліта хлебам-соллю і кветкамі.

Было шмат дзяцей і моладзі. Храм быў запоўнены вернікамі розных маладзечанскіх прыходаў.

Мітрапаліт Павел прыняў удзел у святочнай вячэрняй службе, падчас якой удзяліў сакрамэнт мірапамазання.

У канцы багаслужэння Патрыяршы экзарх усяе Беларусі Павел распавёў пра вялікае значэнне свята і пажадаў вернікам і іх сем’ям Божага блаславення і малітоўнай дапамогі Маці Божай.

Пасля наведвання Маладзечна мітрапаліт Павел паехаў у Жыровіцкі манастыр.

ТУТ можно прачытаць, як прайшоў візіт у Мядзеле.

Дана ЗАКРЭЎСКАЯ
Фота аўтара