Патрыяршы экзарх усяе Беларусі наведаў Мядзел

Госця ад імя раённай улады віталі старшыня райвыканкама Ілья Шацько, старшыня раённага Савета дэпутатаў Алег Бароўка, кіраўнік справамі райвыканкама Вадзім Рагавы, піша 22 жніўня “Нарачанская зара”.

Мітрапаліт Павел упершыню наведаў мядзельскі храм. У сваім звароце да духавенства і прыхаджан ён адзначыў прыгажосць новай царквы.

Пасля Боскай літургіі на памяць аб сумеснай службе госць падараваў прыходу абраз свяціцеля Кірыла, епіскапа Тураўскага.

Напрыканцы візіту Патрыяршы экзарх у суправаджэнні благачыннага Мядзельскай царкоўнай акругі протаіерэя Ігара Шалухі, прадстаўнікоў мясцовай улады наведаў цэнтр духоўна-маральнага развіцця “Гармонія” і пазнаёміўся з яго работай.

Паводле “Нарачанскай зары”