Як прайшло свята паэзіі і песні «Ракуцёўскае лета – 2017»
Свята паэзіі і песні «Ракуцёўскае лета», якое традыцыйна адбываецца на Маладзечаншчыне, сабрала прыхільнікаў творчасці Максіма Багдановіча 30 ліпеня.
Партал kraj.by анансаваў гэтую падзею.
Сёлета прайшло 100 год з дня смерці класіка беларускай літаратуры, які два летнія месяцы ў 1911 годзе правеў менавіта ў Ракуцёўшчыне. Сёлета на свяце прысутнічалі не толькі госці з Маладзечна і Мінску, але і з Латвіі і Санкт-Пецярбурга.
Імпрэза праходзіла ў самім фальварку, а ля крынічкі Максіма Багдановіча гасцей сустракалі траўніцы, якія загадвалі загадкі і зычылі ўсім здароўя на цэлы год.
Кожны ахвотны мог знайсці сабе занятак па душы: паўдзельнічаць у майстар-класах, бясплатна наведаць сядзібу фальварка шляхціца Вацлава Лычкоўскага, паслухаць паэтаў і вакалістаў, паўдзельнічаць у гульнявых праграмах, зрабіць фота ў фотазонах, набыць сувеніры беларускіх майстроў.
Намеснік старшыні Маладзечанскага райвыканкама Алеся Лукоўская і дудар Сяргей Ярук
Дана ЗАКРЭЎСКАЯ
Фотаздымкі аўтара
Читайте также
Третяк встал в ворота и не позволил «Гомелю» забить молодечненцам много. Но наши все равно проиграли
