Опубликовано: 29 ноября 2016, 11:56
985

Вікторыя Чараповіч: “Для першакласнікаў беларуская мова як замежная” (фота)

Цягам лістапада Дзіцячы цэнтр культуры “Расток” разам са сваімі студыйцамі ладзіў у Маладзечне фальклорныя святы, прысвечаныя традыцыям восеньскіх кірмашоў. У выніку за месяц тэатралізаваныя кірмашы наведала каля 600 дзяцей.

Пра тое, як засвойваюць беларускую мову маленькія маладзечанцы, Край.бай распавяла загадчыца аддзела па рабоце з дзецьмі і моладдзю Вікторыя Чараповіч.

– На базе цэнтра “Расток” працуюць чатыры аб’яднанні, навучэнцы якіх праз гульнёвыя, музычныя, гістарычныя і іншыя накірункі вывучаюць беларускія традыцыі і звычаі. Гэта краязнаўчы клуб “Беларуская хатка” (Кіраўнік Наталля Шастак), фальклорнае аб’яднанне “Беларуская спадчына” (кіраўнік Паліна Лынько), музычна-паэтычны клуб “Вытокі” (кіраўнік – Вольга Гулевіч ) і клуб беларускай гульні “Весялінка”. Штогод мы ладзім розныя фестывалі, якія датычацца каляндарных з’яў. Гэта могуць быць “Каляды”, “Масленіца”, “Гуканне вясны”, “Купалле”. У гэтым лістападзе вырашылі правесці фальклорныя святы пад назвай “Надышоў вясёлы час – завітаў кірмаш да нас”. За месяц выхаванцы гэтых клубаў паспелі даць прадстаўленні ў трох гарадскіх школах, а таксама у нашым цэнтры, – адзначыла суразмоўца.

За месяц выхаванцы цэнтра “Расток” паспелі даць прадстаўленні ў трох гарадскіх школах

Изображение 2

Изображение 3

Изображение 4

Падчас тэатралізаваных святаў супрацоўнікі цэнтра разам з дзецьмі ладзілі сапраўдныя кірмашы. Школьнікі і гледачы мелі магчымасць выступіць у якасці гандляроў, пакупнікоў і артыстаў. Яны выконвалі песні і прыпеўкі, жартавалі, гулялі, вадзілі карагоды. Пры чым усе ўдзельнікі мерапрыемстваў рамаўлялі выключна па-беларуску.

– Кірмаш ўвогуле з’ява цікавая і вяселая. Таму не дзіўна, што дзеці с задавальненнем рэкламавалі гладышы, глякі, гаршчочкі, інсцэнавалі сітуацыі продажу і пакупак. Канешне, – прызнаецца Вікторыя Чараповіч, – калі першакласнікі ўпершыню сутыкаюцца з беларускай мовай, для іх гэта цяжка. Для многіх беларуская мова як замежная. Так, спачатку ім няпроста развучваць вершы, песні, прымаўкі. Але з часам, а наша праграма разлічана на чатыры гады, сітуацыя змяняецца і ўсе ўбачаць вынік працы.

Нагадаем, у верасні фальклорнае свята ў Дзіцячым цэнтры “Расток” наведала больш за 600 чалавек. Арганізатары прыйшлося праводзіць мерапрыемства на працягу дзвух дзён.

Кацярына СУШКО
Фотаздымкі прадастаўлены Край.бай Віторыяй ЧАРАПОВІЧ



Читайте также

Новые ставки единого налога будут применяться с 1 февраля
С 1 февраля будут применяться новые ставки единого налога с индивидуальных предпринимателей и иных физических лиц, сообщили в инспекции Министерства по налогам и сборам Беларуси по Минской области.
«Бьют нас с разных сторон – удар налогами стал последней каплей». О чем предприниматели на рынке в Молодечно говорили с чиновниками
В Молодечно на колхозном рынке в пятницу, 27 января, состоялась встреча индивидуальных предпринимателей с чиновниками Молодечненского райисполкома и Минского областного исполнительного комитета. Повестка дня – увеличение в разы единого налога.
В Молодечно сгорел автомобиль
Пожар случился 24 января.