Выйшаў новы нумар маладзечанскага альманаха "Куфэрак Віленшчыны"

Выйшаў з друку 15-ты нумар гісторыка-краязнаўчага і літаратурна-мастацкага альманаха “Куфэрак Віленшчыны” №15, паведаміў на сваёй старонцы ў Фэйсбуку беларускі паэт Віктар Шніп. Як даведаўся ў яго Kraj.bу, нумар з'явіўся на пачатку гэтага тыдня. 

"Напаўненнем і выданнем альманаха з 2000 года займаецца Міхась Казлоўскі, - піша паэт на сваёй старонцы. - Гэты нумар прысвечаны паэтэсе Таццяне Сапач (1962-2010), якой 26 жніўня было б усяго 51 год. Сваімі ўспамінамі і думкамі пра творы Таццяны ў альманаху дзеляцца: Кацярына Ермаковіч “Была… Ёсць… Будзе…”, Людка Сільнова “Пакінуты куфэрак сястры”, Ларыса Сапач “Я ўдзячна лёсу…”, Віктар Шніп “Мы - дзеці мінулага часу…”, Людміла Рублеўская “Па брукаванцы з лістабоем…”, Алег Аблажэй “Знічка”, Міхась Казлоўскі “Таня”. 26 жніўня ў вёсцы Маркава Маладзечанскага раёна, дзе нарадзілася Таццяна і цяпер спачывае на мясцовых могілках, у школе прайшла вечарына, прысвечаная памяці паэтэсы".

Kraj.by па матэрыялах Віктара ШНІПА