Канферэнцыя, прысвечаная Кастусю Каліноўскаму, пройдзе 5 ліпеня ў Цэнтры Язэпа Драздовіча ў Германавічах
Пачнецца падзея ў 10.00. На яе прыедуць таксама барды Таццяна Беланогая і Зміцер Бартосік.
Як расказала Край.бай заснавальніца культурна-асветніцкага цэнтра імя Язэпа Драздовіча ў в. Германавічы на Шаркаўшчыне Ада Райчонак, у канферэнцыі збіраюцца прыняць удзел краязнаўцы Віктар Гонта, Ганна Базарэвіч з Браслаўшчыны, Зміцер Лупач з Глыбокага, Эдмунд Гірын з Лужкоў Шаркаўшчынскага раёна, Антон Астаповіч з Мінска і іншыя. Усяго чакаецца 12 дакладаў.
Даведка Kraj.by. Культурна-асветніцкі цэнтр імя Язэпа Драздовіча ў Германавічах існуе з сярэдзіны 90-х гг. Акрамя адраджэння памяці пра мастака, пісьменніка, фалькларыста, этнографа, скульптара, археолага з Глыбоччыны Язэпа Драздовіча, ён займаецца папулярызацыяй гісторыі і культуры Шаркаўшчынскага, Глыбоцкага, Браслаўскага і іншых сумежных рэгіёнаў. Па ініцыятыве цэнтра штогод праходзяць мастацкія пленэры, гістарычныя канферэнцыі, выдаюцца зборнікі гістарычных матэрыялаў.
Вольга ФРАЛОВА
Читайте также
