У санктуарыі Маці Божай Валадаркі Азёраў у Браславе пройдуць урачыстасці 17–18 жніўня (ПРАГРАМА)
Сёлетнія ўрачыстасці ў санктуарыі Маці Божай Валадаркі Азёраў, што пройдуць 17–18 жніўня, будуць прысвечаны тэме пакліканняў да служэння на ніве Пана.
Як паведамляе catholic.by, падчас урачыстай літургіі сакрамэнт святарства прымуць дыяканы, якія паходзяць з Віцебскай дыяцэзіі.
У гэтым годзе ўрачыстасці ў марыйным санктуарыі ў Браславе распачнуцца 17 жніўня святой Імшой у 18.00, падчас якой будзе ўдзелены сакрамэнт канфірмацыі, у 24.00 адбудзецца Імша на польскай мове. 18 жніўня святая Імша ў 08.00 — з удзелам святароў, якія паходзяць з браслаўскай парафіі. У 11.00 — урачыстая літургія з удзяленнем сакрамэнту святарства.
Як заўсёды, чуванне будзе напоўнена малітвай, літургічнымі набажэнствамі. У гэтым годзе ў парафіі малітоўная група «Маці ў малітве» перажывае 10-годовы свайго існавання. У сувязі з гэтым 17 жніўня адбудзецца сустрэча гэтай групы і запрошаных гасцей.
15 жніўня распачнецца дыяцэзіяльная сустрэча моладзі.
ПРАГРАМА ўрачыстасцяў пад дэвізам «Марыя — Маці пакліканняў»
17 жніўня (пятніца)
18.00 — святая Імша з удзяленнем сакрамэнту канфірмацыі (распачынаецца праграма для ўсіх вернікаў)
20.00 — пачатак малітоўнага чування. Ружанец
21.00 — Акафіст
22.00 — канцэрт хору і аркестра з Мінска
22.45 — набажэнства Тэзэ
18 жніўня (субота)
24.00 — святая Імша (падзяка Богу за 10 гадоў існавання ў парафіі групы руху «Маці ў малітве»)
01.30 — ружанцовая працэсія са свечкамі
03.00 — адарацыя Найсвяцейшага Сакрамэнту
06.30 — Гадзінкі аб Беззаганным Зачацці Найсвяцейшай Панны Марыі
07.00 — Ружанец
08.00 — святая Імша
09.00 — ружанец
10.00 — падрыхтоўка да святой Імшы
11.00 — галоўная ўрачыстая святая Імша са святарскімі і дыяканскімі пасвячэннямі (узначаліць Апостаьскі Нунцый у Беларусі арцыбіскуп Клаўдыё Гуджэроцці).
Па матэрыялах catholic.by
Читайте также
