ФОТАРЭПАРТАЖ: Пераможцам парафіяды сярод дзяцей і моладзі стала каманда з Вілейкі

Парафіяда распачалася 1 жніўня Святой Імшой, якую цэлебраваў Арцыбіскуп Тадэвуш Кандрусевіч, піша vilejka.by.

Парафіяда складалася з трох асноўных пунктаў: Святыня, Спорт, Тэатр. На працягу гэтых чатырох дзён дзеці і моладзь не толькі ўдзельнічалі ў спаборніцтвах і конкурсах, але таксама напаўняліся радасцю ад супольна праведзенага часу і ўзмацняліся духоўна.

Другі і трэці дні Парафіяды былі насычаныя рознымі спаборніцтвамі і конкурсамі (спартыўныя, конкурсы малюнкаў, песень, тэатральных пастановак, біблійных ведаў і г.д.).

На працягу гэтых дзён дзеці і моладзь разам з прысутным духавенствам разважалі над тэмай таго, што мы з’яўляемся вучнямі ў школе Езуса.

Скончылася Парафіяда Эўхарыстыяй і ўрачыстым уручэннем узнагарод пераможцам асобных конкурсаў, а таксама за агульны вынік усёй Парафіяды.

Агульнакаманднае першае месца дае магчымасць пераможцам прадстаўляць Мінска-Магілёўскую архідыяцэзію ў фінале Міжнароднай Парафіяды, якая будзе праходзіць у Варшаве.

Менавіта каманда парафіі з Вілейкі атрымала першае месца за агульны вынік і ўдзел у Парафіядзе.

Гонар Вілейскай парафіі абаранялі Вікторыя Смажанкова, Вікторыя Кезік, Аліна Пятніцкая, Вераніка Шаблыка, Эмілія Томкавіч, Віялета Сяржант, Антон Цікота, Уладзімір Ляошка, Павел Качкан, Мікіта Трасцянка, Аляксандр Церах, Уладзіслаў Белаш, Аляксандр Крупенчык.

Узнагароды каманды ў асобных спаборніцтвах і конкурсах:

Бег (хлопцы) – 3-е месца

Бег (дзяўчаты) – 3-е месца

Валейбол – 3-е месца

Біблійныя веды – група А – 2-е і 3-е месцы

група В – 2-е месца

група С – 2-е месца

Конкурс малюнка – 2-е месца

Конкурс тэатральных пастановак – 3-е месца

Конкурс рэлігійнай песні – 3-е месца

ЗА АГУЛЬНЫ ВЫНІК І ЎДЗЕЛ У ПАРАФІЯДЗЕ – 1-Е МЕСЦА.

Па матэрыялах vilejka.by