Опубликовано: 26 ноября 2014, 15:53
37

Каманда Гродзенскай дыяцэзіі выйграла чэмпіянат па міні-футболе сярод святароў, што прайшоў у Маладзечне (ФОТА)

У Трэцім чэмпіянаце Беларусі па міні-футболе сярод каталіцкіх святароў 24 лістапада ўдзельнічалі і прадстаўнікі нашага рэгіёна.

На полі былі заўважаныя ксёндз Раман Суша родам з Вілейшчыны, які гуляў за каманду Мінска-Магілёўскай архідыяцэзіі, і ксёндз Юры Бараўнёў, што родам з Маладзечна, а служыць у Порплішчы і Крулеўшчыне Докшыцкага раёна. Ён выступаў у складзе каманды Віцебскай дыяцэзіі.

Партал Край.бай анансаваў гэтую падзею.

Як піша сайт Catholic.by, галоўная інтрыга спаборніцтваў заключалася ў тым, ці здолеюць каманды скласці годную канкурэнцыю гродзенцам і перарваць іх бяспройгрышную серыю на двух чэмпіянатах запар.

Найбольш рэальнымі прэтэндэнтамі на замяшчэнне лідара былі каманды Мінска-Магілёўскай архідыяцэзіі і Віцебскай дыяцэзіі – заваяваць кубак у папярэднія гады ім перашкаджалі толькі паразы ад гродзенцаў.

Кіраўнік каталіцкай царквы Беларусі мітрапаліт Тадэвуш Кандрусевіч размінаецца перад гульнёй. Ён выступаў за дружыну Мінска-Магілёўскай архідыяцэзіі

Изображение 4

Кіраўнік каталіцкай царквы Беларусі мітрапаліт Тадэвуш Кандрусевіч размінаецца перад гульнёй. Ён выступаў за дружыну Мінска-Магілёўскай архідыяцэзіі. Фота Валерыя Трацяка

Гульня праходзіла па схеме два таймы па 12 хвілін. У спаборніцтвах бралі ўдзел чатыры каманды – па адной дружыне ад дыяцэзіі, таму кожная згуляла па тры матчы.

На адкрыцці спаборніцтваў выступіў кіраўнік каталіцкай царквы Беларусі мітрапаліт Тадэвуш Кандрусевіч

Изображение 9 

Изображение 7

Изображение 6

Изображение 8

Адкрываў чэмпіянат матч святароў з Гродна і Віцебска. З першых хвілін абедзве каманды рынуліся ў атаку, задаўшы высокі тэмп гульні. У выніку ўжо на чацвёртай хвіліне «бліцкрыг» гродзенцаў прынёс плён – 1:0.

Каманда Віцебскай дыяцэзіі старалася не адставаць, але больш тэхнічныя гродзенцы літаральна праз хвіліну зноў пакарылі брамы супернікаў – голам завяршылася імклівая контратака кс. Ян Кузюка.

Браму Гродзенскай дыяцэзіі супернікам удалося ўзяць толькі ў дададзены час першага тайма. Але больш лік не змяняўся – 2:1 на карысць гродзенцаў.

Як завяршыліся іншыя матчы і размеркаваліся месцы, можна паглядзець у турнірнай табліцы

Изображение 1

Моманты гульняў

Изображение 16

Изображение 10

Дзяўчаты з парафіі Св. Казіміра ў Маладзечне – Святлана Cарока, Марыйка Лубнеўская і Марыя Скапец –
група падтрымкі Мінска-Магілёўскай архідыяцэзіі

Изображение 15

ІІІ Чэмпіянат па міні-футболе сярод святароў паказаў, што трывалымі лідарамі сёння з’яўляюцца прадстаўнікі Гродзенскай дыяцэзіі. І барацьба за першы радок калі і магчыма, то найбольшыя шансы адваяваць першае месца – у каманды Мінска-Магілёўскай архідыяцэзіі.

Пераможцы – святары Гродзенскай дыяцэзіі

Изображение 11

Каманда Мінска-Магілёўскай архідыяцэзіі заняла другое месца

Изображение 2

Изображение 12 

«Асноўная праблема святароў-футбалістаў Беларусі – фактычна поўная адсутнасць базавай футбольнай падрыхтоўкі», – адзначыў у размове з карэспандэнтам Catholic.by трэнер футбольнай каманды Гродзенскай дыяцэзіі Яўген Сакалоўскі, які трэніруе і зборную Беларусі святароў па міні-футболе.

Па матэрыялах Catholic.by
Фота Валерыя ТРАЦЯКА і з сайта Catholic.by



Читайте также

Молодечненец нашел кошелек с картой и пин-кодом. В магазине отоварился, а деньги снять не смог – неправильно ввел пароль
Возвращаясь домой с работы, 53-летний молодечненец потерял кошелек с деньгами и банковскую карточку. Утром он обнаружил пропажу, стал искать, но безрезультатно, обратился в милицию.
Жизнь не будет прежней. Что изменится для белорусов с 1 апреля
Апрель подкрался незаметно, а вместе с ним белорусов ждет ряд изменений в социальной и экономической жизни. Рассказываем, что будет не таким, как прежде.
Архитектурный стрит-арт. В Молодечно появился мурал размером с трехкомнатную квартиру
В Молодечно на стене здания по Янки Купалы художники собрали примечательную архитектуру района. Глянули, что за она.