Жители Мяделя считают классной традицию проведения субботников
Классно, что бывают субботники — такое мнение можно услышать от жителей региона, которые вышли 20 апреля, чтобы благоустроить территории возле памятных знаков, школ, аллеи, парки.
Падрабязнасці піша «Нарачанская зара».
На вуліцы 17 Верасня ў Мядзеле стараюцца работнікі прадстаўніцтва «Белдзяржстраху».
Страхавы агент Святлана Чантарыцкая кажа:
— Класна, што часам суботнікі бываюць. Гэта магчымасць зрабіць горад лепшым, прыгажэйшым, акультурыць, надаць яго абліччу элегантнасці і ўнікальных дэталей.
Непадалёк ад былога гастранома ў цэнтры горада старую агароджу здымаюць супрацоўнікі Мядзельскага аддзялення дэпартамента аховы.
На суботніку і калектыў цэнтральнай раённай бальніцы. Сёння добраўпарадкаванне закранула тэрыторыі Мядзельскай ЦРБ, трох участковых бальніц, пяці амбулаторый і дзевяці ФАПаў.
На мемарыяльным комплексе «Партызанскія базы» аб’ём работ сур’ёзны, таму работнікаў шмат. Тут працуе і старшыня райвыканкама Аляксандр Прановіч.
Вядзецца добраўпарадкаванне гатавіцкіх могілак. На суботнік выйшла больш за 20 жыхароў вёскі і работнікі Мядзельскага сельвыканкама.
На розных аб’ектах стараюцца работнікі Свірскага псіханеўралагічнага дома-інтэрната.
Так выглядае суботнік на тэрыторыі Сваткаўскага сельсавета. Работнікі ААТ «Сваткі», сельвыканкама, дэпутаты сельскага Савета саджаюць хваёвыя дрэвы ля фермы па дарошчванні буйной рагатай жывёлы «Рудзевічы» і ўбіраюць будаўнічае смецце на тэрыторыі. Шкада, кажуць, што праз капрызы надвор’я пабелачныя і фарбавальныя работы мусілі адмяніць.
Фота з сайта narachanka.by
Нашли ошибку в тексте? Выделите ее и нажмите Ctrl + Enter