Выстава старадаўніх фотаапаратаў і фотаздымкаў адкрыецца ў Вілейскім музеі 27 верасня
Калекцыя фотаапаратаў і здымкаў належыць мінскаму фатографу Віктару Суглобу, з якім можна будзе сустрэцца на адкрыцці выставы.
Аб гэтым Край.бай паведаміла старшы навуковы супрацоўнік Вілейскага краязнаўчага музея Вольга Коласава.
Як зазначыла суразмоўца, Віктар Суглоб аб’ездзіў са сваім фотаапаратам амаль увесь свет. Найбольш фатограф любіць здымаць беларускія краявіды і гарадскі ландшафт. У апошнія часы зацікавіўся студыйным нацюрмортам. Менавіта гэтую калекцыю можна будзе пабачыць на выставе.
Даведка: Віктар Суглоб нарадзіўся на Гомельшчыне ў 1952 годзе. Зараз жыве і працуе ў Мінску. Займаецца фатаграфіяй больш за 40 гадоў на прафесійным узроўні. Ганаровы сябра народнага фотаклуба «Мінск» і творчага саюза «Фотамастацтва».
Выстава пачнецца а 17.00.
Юлія ЛАХВІЧ
Нашли ошибку в тексте? Выделите ее и нажмите Ctrl + Enter
Читайте также
