Сустрэча з творчымі людзьмі Вілейшчыны адбылася ў Іл’янскім каледжы (ФОТА)

У госці да навучэнцаў 18 мая прыйшлі сябры літаратурнай суполкі “ Натхненне” імя Адама Гурыновіча. Гэта таленавіты паэт Зінаіда Губарава – Крупская, краязнаўца, паэт, аўтар зборніка “П’ескі для школьнага тэатра” і кіраунік музея “ Вілейшчына літаратурная “ Ільянскай сярэдняй школы імя А.Грымаця Роза Шэрая. А таксама на мерапрыемства завітаў былы выкладчык каледжа, аўтар кніг “Не пакідаюць нас белыя лебедзі”, “ Ходзіць вёскамі сіняе лета “ Уладзімір Кажамяка і сябра літаратурнай суполкі, пачынаючы паэт, выкладчык інфарматыкі каледжа Ірына Вараўка.

На фота злева направа Ірына Вараўка, Уладзімір Кажамяка,Зінаіда Губарава-Крупская, Алена Рысевец і Роза Шэрая.

Госці расказалі навучэнцам пра сябе і аб сваёй творчасці, прачыталі навучэнцам байкі і вершы.

Цёпла віталі студэнты сваіх гасцей, і ў падарунак на памяць аб сустрэчы паднеслі ім кветкі, сувеніры. Вакальная группа каледжа - пераможца фестываля “Аграрная вясна- 2012 года” ў Віцебску выканала для гасцей і гаспадароў беларускія песні. Развітваліся мы з нашымі гасцямі з надзеяй на новыя сустрэчы, а таксама з абяцаннямі сумесна супрацоўнічаць па прапагандзе мастацкага слова сярод навучэнцаў каледжа.

Выкладчык рускай мовы і літаратуры Іль’янскага агарарнага каледжа Алёна Рысевец для Kraj.by.