Сустрэча з беларускімі літаратарамі Уладзімірам Арловым і Андрэем Хадановічам адбылася ў Вілейцы (ФОТА і ВІДЭА)
Сустрэча, арганізаваная 18 кастрычніка, была прысвечаная паўстанцам-землякам – братам Яну і Вінцэнту Козел-Паклёўскім (апошні ўзначальваў паўстанцкі атрад на Вілейшчыне) і іх удзелу ў нацыянальна-вызваленчым паўстанні 1863 года, падчас якога барацьба праходзіла і ў Вілейскім павеце.
Першым выступаў аўтар гістарычнай прозы Уладзімір Арлоў. Пісьменнік распавёў пра гэтую гістарычную падзею і пра тых, хто ўдзельнічаў у паўстанні, а потым параіў віляйчанам больш прачытаць пра гэта ў нядаўна надрукаванай кнізе Дзяніса Лісейчыка. Дарэчы, сёлета спаўняецца 150 гадоў паўстанню Каліноўскага.
Далей пісьменнік расказаў пра свае кнігі “Пакуль ляціць страла”, “Свецяцца вокны, ды нікога за імі”, як ён сам адзначыў, нядаўна выпушчаныя з друку ці перавыдадзеныя, зачытваў фрагменты з іх. “Сёння вы можаце атрымаць ад мяне своеасаблівы ордэн”, – сказаў Уладзімір Арлоў пра сваю кнігу “Ордэн белай мышы”.
Потым ён перадаў слова паэту, перакладчыку, літаратуразнаўцу і барду Андрэю Хадановічу. Ён крыху распавёў пра сваю калекцыю перакладаў “Разам з пылам”, сабраных у кніжку з “хуліганскай вокладкай”. Як зазначыў спадар Андрэй, у кнігу ўвайшлі сабраныя за 15 гадоў пераклады твораў шматлікіх аўтараў з украінскай, французскай, англійскай, нямецкай і іншых моў на беларускую. Ён пачытаў свае вершы, а потым выканаў некалькі песень.
Андрэй Хадановіч
На сустрэчы віляйчане набывалі кнігі з аўтарскімі подпісамі.
Юлія ЛАХВІЧ
Фота аўтара
Відэа з сайта vialejka.info
Читайте также
Третяк встал в ворота и не позволил «Гомелю» забить молодечненцам много. Но наши все равно проиграли
