Опубликовано: 17 мая 2016, 08:58
49

Прафесар Адам Мальдзіс і культуролаг Сяргей Харэўскі абмяркуюць з вілейчанамі беларускае мастацтва

Творчая сустрэча з беларускім літаратуразнаўцам, крытыкам, публіцыстам і прафесарам Адамам Мальдзісам і вядомым культуролагам і мастацтвазнаўцам Сяргеем Харэўскім пройдзе 18 мая ў выставачнай зале імя Н.Ю. Сілівановіча ў межах Міжнароднага дня музеяў і Года культуры.

Галоўнай тэмай творчай дыскусіі стане развіццё беларускага мастацтва. Пра гэта Край.бай паведаміла навуковы супрацоўнік Вілейскага краязнаўчага музея Надзея Аўдзей.

Даведка Край.бай: Адам Мальдзіс нарадзіўся 7 жніўня 1932 года у вёсцы Рассолы Астравецкага раёна. Скончыў факультэт журналістыкі БДУ. Працаваў адказным сакратаром у радашковіцкай раённай газеце “Сцяг Ільіча”.
У 1959 годзе паступіў у аспірантуру пры Інстытуце літаратуры імя Янкі Купалы АН БССР, пасля працаваў навуковым супрацоўнікам. У 1963 годзе абараніў дысертацыю. У 1986 годзе абараніў доктарскую дысертацыю. У 1990 годзе быў у складзе дэлегацыі БССР і удзельнічаў у працы 45 сесіі ААН.
Адам Мальдзіс напісаў і выдаў шэраг кніг па гісторыі беларускай літаратуры. З 1954 года з’яўляецца сябрам Саюза пісьменнікаў СССР.

Сяргей Харэўскі – гісторык мастацтва і архітэктуры, культуролаг, мастак і літаратар. Скончыў Інстытут жывапісу, скульптуры і архітэктуры імя І. Рэпіна Акадэміі  мастацтваў  СССР,  аспірантуру  Беларускай  акадэміі мастацтваў. Выкладаў у Віленскім педагагічным універсітэце, Беларускай дзяржаўнай акадэміі мастацтваў. Сааўтар  праектаў  «Беларуская  Атлантыда», «Наша страва» і інш.

На сустрэчу запрашаюцца ўсе жадаючыя. Пачатак – у 16.00. Уваход вольны.

Юлія ЛАХВІЧ



Читайте также

Права на 20 лет и техосмотр на 3 года. Какие изменения вносит новый указ?
Проведение более 200 административных процедур корректируется в Беларуси. Соответствующий указ №55 подписан 16 февраля.
Дача горела ночью в Молодечненском районе – люди не пострадали
Сегодня ночью, 28 марта, в садоводческом товариществе недалеко от деревни Гай Молодечненского района загорелся дачный дом. Обошлось без жертв и пострадавших.
Вступительная кампания 2024: нарушители инструкции о проведении ЦЭ смогут продолжить образование
Выпускная кампания в учреждениях общего среднего образования в 2024 году выстроена так, что даже нарушители инструкции о проведении централизованного экзамена получат возможность продолжить учебу.