Опубликовано: 27 января 2016, 11:22
70

Полька «Аляксей», вальс «Зінаіда» і лявоніха. У Вілейцы прайшоў фестываль побытавых танцаў (ФОТА, ВІДЭА)

Вечарына з беларускімі народнымі танцамі адбылася 23 студзеня ў вілейскай гімназіі №2 у рамках штогадовага фальклорнага фестывалю «Вясёлка».

На свяце сабраліся танцоры розных узростаў з Вілейкі, Маладзечна і Мінска. Вясёлыя мелодыі, беларускія народныя танцы і добры настрой удзельнікаў – у такой атмасферы прайшоў фестываль побытавых танцаў.

Изображение 1

Изображение 2

Изображение 3

Изображение 4

Изображение 5

Фальклорныя вечарыны з танцамі, якія выконвалі на Вілейшчыне яшчэ нашы продкі, у гімназіі арганізуюць некалькі разоў на год. На гэта свята збіраюцца ўдзельнікі з розных рэгіёнаў.

Народныя танцы на Вілейшчыне адраджае настаўнік фальклорна-побытавых танцаў гімназіі №2 Зінаіда Крупская. Тры гады таму яна пайшла на заслужаны адпачынак, але працягвае займацца любімай справай – арганізуе падобныя вечарыны.

– Беларускі народ стварыў мноства яркіх, самабытных танцаў. І ў кожнай мясцовасці выконвалі адзін і той жа танец па-свойму. Падчас такіх мерапрыемстваў можна і патанчыць, і падзяліцца думкамі наконт танцаў і беларускай культуры ў цэлым, – адзначыла Зінаіда Крупская. – За пяць гадоў мы вывучылі каля 30 беларускіх побытавых танцаў. Радуе, што такія сустрэчы ёсць і яны цікавыя для сучаснай моладзі. Дарэчы, у маі плануем арганізаваць чарговы фальклорны вечар з народнымі танцамі і спевамі.

Зінаіда Крупская

Зінаіда Крупская. Фота Юліі Лахвіч, Край.бай

Изображение 8

Изображение 9

Изображение 6

Изображение 7

Полька «Аляксей», вальс «Зінаіда», старадаўні вальс «Аляксандр III», з якога на Вілейшчыне некалі пачыналіся любыя святы, «Месяц», падыспань, кракавяк, традыцыйныя полька і лявоніха – не спыняючыся пары кружыліся ў танцах на працягу ўсяго вечара.

Изображение 10

Изображение 11

Изображение 13

Изображение 14

Изображение 15

Изображение 16

Изображение 18

Изображение 19

Характэрна, што на такіх вечарынах зусім неабавязкова быць прафесійным танцорам: Зінаіда Крупская навучыць танцаваць кожнага.

Сваімі ўражаннямі падзяліліся з Край.бай госці фестывалю з Маладзечна і Мінска.

– Мы заўсёды наведваем такія мерапрыемствы, таму што цікавімся беларускай народнай культурай. З восені, напрыклад, ходзім на «Вячоркі» ў Маладзечне. Сённяшнія танцы – проста клас! Адразу цяжка пачаць танцаваць, а потым уліваешся – і робіцца ўсё роўна, ведаеш ты танец ці не. Атмасфера вечара выдатная. Цешыць, што такія мерапрыемствы наведвае моладзь, – лічаць Дзяніс і Вольга з Маладзечна.

– Мы на вечарыне не першы раз. Летась прыязджалі на майстар-клас Зінаіды Крупскай. Вельмі спадабалася. Мы з'яўляемся ўдзельнікамі групы інструментальнай музыкі, таму вывучаем беларускія традыцыі і цікавімся танцамі як часткай беларускай культуры. Сённяшняе мерапрыемства нам вельмі спадабаліся! Было вельмі весела, – адзначылі Сяргей і Алена з Мінска.

Юлія ЛАХВІЧ
Фота і відэа аўтара
Мантаж Міхаіла МАРЖЭЎСКАГА

Читайте также

«Как в семье главное - дети, о которых заботятся и которыми гордятся, так и народ Беларуси гордится символами своей страны»
Побывали в Молодечно на торжественной церемонии чествования Государственного флага, Государственного герба и Государственного гимна Республики Беларусь.
Диван сгорел в подвале дома в Браславе, где живут две бабушки – пенсионеркам пришлось покинуть свои квартиры
В Браславе на улице Мелиораторов ранним утром 10 мая горел подвал двухквартирного жилого дома, в котором живут бабушки. Пожилым женщинам 85 и 77 лет. Пенсионерки вынуждены были покинуть свои квартиры, спасаясь от пожара.
Третяк встал в ворота и не позволил «Гомелю» забить молодечненцам много. Но наши все равно проиграли
Два воспитанника молодечненской футбольной школы 10 мая дебютировали в высшей лиге в игре против «Гомеля». У ФК «Молодечно» новый главком, но беды старые. Две беды в одном решающем голе – мяч, как не раз это бывало, забит в раздевалку и после стандарта.