Вучні і настаўнікі Ільянскай школы на Вілейшчыне адзначылі Дзень настаўніка (ФОТА)
Святочны канцэрт адбыўся 5 кастрычніка.
У зале гучала музыка, атмасфера была святочная. Вядучыя Наталля Ярашэвіч і Павел Маскаленка з цёплымі словамі звярнуліся да настаўнікаў.
Віншавальная праграма складалася з мастацкіх нумароў, якія падрыхтавалі вучні розных класаў. Упершыню на сцэне выступіла малодшая група клуба аўтарскай песні “Імпэт” пад кіраўніцтвам Галіны Кутас. Прагучала песня пра настаўнікаў у выкананні вучаніцы чацвёртага класа Лізаветы Барташэвіч. Вакальныя нумары падрыхтавалі вучні пачатковых класаў. Здзівілі сваёй непасрэднасцю браты Антон і Андрэй Гайчукі, якія вучацца ў другім класе.
Саліруюць Антон і Андрэй Гайчукі
Моманты свята
Гумарыстычны нумар падрыхтавалі старшакласнікі Аляксей Гаўрылік і Уладзіслаў Паўловіч: яны чыталі вытрымкі з сачыненняў вучняў Ільянскай школы.
Вучаніца 9 "А" класа Ільянскай школы імя Адама Грымаця Ксенія БАЖЭЛКА для Край.бай
Читайте также
