Музычна-літаратурную імпрэзу правялі ў Ільянскай школе Вілейскага раёна (ФОТА)
14 лютага вучні Ільянскай сярэдняй школы адсвяткавалі Дзень святога Валянціна танцамі, песнямі, вершамі і гульнямі.
На першым паверсе школы была размешчана паштовая скрыначка, куды можна было кідаць валянцінкі, а паштальён-старшакласнік разносіў віншаванні адрасатам.
У актавай зале прайшоў канцэрт “Я+Ты”, які падрыхтавалі старшакласнікі. Музычна-літаратурную імпрэзу вялі дзве пары вядучых, гэта - Аляксандр Судніковіч і Ксенія Бажэлка, Павел Маскаленка і Сняжана Церахава. Сцэнарый канцэрта быў складзены такім чынам, што там гарманічна перамяжоўваліся і песні, і танцы, і вершы, і гульні. Песні, безумоўна, былі пра каханне.
Музычным дэбютам стала песня “Вечная любоў”, якую выканаў дуэт у складзе Буркевіч Аліны і Маскаленкі Паўла. Прагучалі арыгінальныя музычныя кампазіцыі ў выкананні Церахавай Сняжаны, Вараўкі Анастасіі і Татур Веранікі, Вайніцкай Майі і Дуровіч Веры.
Лірычныя вершы выканалі навучэнцы школы. Асабліва ўразіў верш, які прачытаў Панкоў Іван. Эмацыянальна былі прачытаны вершы Шымель Палінай і Шмаргалавай Кацярынай.
У час імпрэзы былі праведзены таксама і гульні: “Знайдзі пару”, “Алфавіт”. Наталля Ярашэвіч стала пераможцай у конкурсе дызайнераў. Сваю грацыёзнасць прадэманстравалі дзяўчаты з 6 “А” класа, якія падрыхтавалі два танцы.
Дзмітрый МІКУЛІЧ, навучэнец 9 “А” класа Ільянскай сярэдняй школы імя А.А. Грымаця для Край.бай
Читайте также
