У Вішневе Смаргонскага раёна пачалі адпраўляць літургію на беларускай мове
Упершыню ў 200-гадовай гісторыі Вішнеўскай парафіі св. Юды Тадэвуша (Смаргонскі дэканат) цэлебравалася святая Імша на беларускай мове.
Як паведамяле grodnensis.by, эўхарыстыю адправіў ксёндз-пробашч Антон Казлоўскі. З гэтага часу св. Імшы па-беларуску будуць цэлебравацца ў Вішневе кожную нядзелю.
Літургію ўпрыгожваў спевам касцёльны дзіцячы хор пад кіраўніцтвам Наталлі Амбрасевіч. Дзеці і моладзь рыхтаваліся да гэтай падзеі пад кіраўніцтвам катэхэткі Жанны Гацко.
Як адзначыў ксёндз-пробашч Антон Казлоўскі, св. Імша будзе адпраўляцца цяпер кожную нядзелю а 10-й гадзіне. Казанне пад час гэтых св. Імшаў будзе скіравана да дзяцей і моладзі. У будучыні плануецца выступленне касцёльнага дзіцячага хору з канцэртамі.
Па матэрыялах grodnensis.by
Нашли ошибку в тексте? Выделите ее и нажмите Ctrl + Enter
Читайте также
