Опубликовано: 22 июля 2014, 12:15
25

Фэст “Кераміка Крэва” ўпершыню адбудзецца ў Смаргонскім раёне 23 жніўня

Гасцей свята чакаюць майстар-класы, конкурсы і забавы для дзяцей і дарослых, танцы, а таксама вялікі кірмаш керамікі.

Пра гэта парталу Край.бай паведаміла адна з арганізатарак фэсту Алеся Цап. Яна патлумачыла, што “Кераміка Крэва” адбудзецца ў межах свята сярэднявечнай культуры “Пад знакам Лялівы”.

Па словах Алесі Цап, на фэст “Кераміка Крэва” запрошаны найлепшыя майстры керамічнай справы.

Партал Край.бай з’яўляецца інфармацыйным партнёрам фэсту.

“Ці бачылі вы, як гліна праз агонь, падчас апальвання, ператвараецца ў шэдэўр? Паўдзельнічайце ў чараўніцтве агню, магчыма, вы станеце ўладальнікам тых шэдэўраў. Пад кіраўніцтвам майстроў можна будзе стварыць свой кубак або сапраўдны рог дастатку. На вялікім кірмашы керамікі можна будзе набыць вырабы ад народных да сучасных, знайсці для сябе чароўную свістульку ды сталовую талерку”, – адзначыла Алеся Цап.

На свяце керамікі будзе працаваць дзіцячая пляцоўка, на якой занятак па душы сабе знойдуць як маленькія мастакі, так і непаседы.

“І смачнай ежы будзе багата! – адзначыла Алеся Цап. – Можна будзе паспрабаваць хлеб, квас, распісныя пернікі і іншую смакату”.

Святочную атмасферу створаць музыкі і этна-фолкавыя гурты.

Бліжэй да захаду сонца пачнецца другая частка свята – “Пад знакам Лялівы”. Гасцей чакаюць рыцарскія забавы, звон мячэй, сярэднявечная музыка, танцы і яшчэ шмат цікавостак да позняга вечара.

Даведка. Ляліва – прыватны шляхецкі герб, якім карысталіся роды на Беларусі, Польшчы, Украіне і Літве, у тым ліку Глябовічы і Тышкевічы, а таксама некаторыя гарады. Апісанне – у блакітным полі залаты маладзік рагамі ўгору, над ім – залатая 6-прамянёвая зорка. Герб Крэва асноўнымі элементамі падобны на яго.
be-x-old.wikipedia.org

Фэст адбудзецца ў мястэчку Крэва Смаргонскага раёна 23 жніўня з 15.00 да 23.00. Уваход вольны.

Святлана ЦІШКО



Читайте также

Cирены переполошили молодечненцев – на тушение пожара приезжали две машины спасателей
Размеренность выходного дня в Молодечно на улице Франтишка Скорины 22 мая потревожил вой пожарных сирен. Во двор дома №20 заехали две машины спасателей. Узнали, что случилось.
«Люди решили в «лапти» обуться». Побывали на ярмарке в Вилейке – будто в 90-ых оказались
Последняя весенняя ярмарка развернулась на Центральной площади. Ожидали унюхать запах шашлыков и кофе, услышать артистов или музыку. Но нет. Увидели ажиотаж и очереди за всем, что «по 10 рублей», на куртки из кожзама и «китайские» шлепанцы.
ПЦР-исследования на COVID-19 можно сделать только в государственных лабораториях
Минздрав отменил проведение ПЦР-исследований на COVID-19 в лабораториях частных медицинских центров.