Опубликовано: 12 декабря 2016, 12:06
67

У Залессі на Смаргоншчыне раскажуць пра палацы роду Агінскіх на тэрыторыі Польшчы, Літвы і Беларусі

17 снежня ў музеі-сядзібе М.-К. Агінскага ў Залессі Смаргонскага раёна адбудзецца прэзентацыя выставы “Ацалелыя і неацалелыя палацы роду князёў Агінскіх”, якая раскажа прысутным аб усёй архітэктурнай спадчыне роду Агінскіх на тэрыторыі Польшчы, Літвы і Беларусі. Уваход на мерапрыемства вольны.

Як распавяла Край.бай навуковы супрацоўнік музея-сядзібы М.-К. Агінскага Таццяна Кляшчонак, упершыню ідэя сабраць у адно ўсе звесткі пра архітэктурную спадчыну гэтага старажытнага і арыстакратычнага роду нарадзілася прыкладна год таму.

– Мы ведалі, што на тэрыторыях трох суседніх краін – Польшчы, Літвы і Беларусі – захаваліся палацы, якія належалі Агінскім, – тлумачыць суразмоўца. – Потым нам стала вядома, што ніхто да нас на прасторах гэтых краін яшчэ не спрабаваў абагульніць і прааналізаваць тую гістарычную каштоўнасць, якой яны валодаюць. Ідэя гэтым заняцца нарадзілася сама сабой.

Паўгода таму ў музеі-сядзібе распачалася праца па збору гістарычнай інфармацыі наконт палацаў. Так, два літоўскіх палаца Агінскіх у Рэтувасе і Плунге былі вядомыя беларускім гісторыкам даўно, а астатнія літоўскія – у Мура-Стрэвінінкаі, Круонісе, Вяйсеі і два ў Вільнюсе – выдатна былі вядомыя літоўскім даследчыкам, якія перадалі ў Беларусь мноства кніг аб родзе Агінскіх у Літве.

– Сёння мы ўжо ведаем, што ўсіх палацаў, якія ў розныя часы належалі Агінскім, а зараз ў розным стане захаваліся да нашых дзён на тэрыторыях гэтых краін, налічваецца больш за дваццаць. На выставе, якую ладзіць музей, мы пазнаёмім нашых гасцей з кожным з іх, – дадала Таццяна Кляшчонак.

Так, прысутныя змогуць пазнаёміцца з асобнымі выявамі палацаў роду Агінскіх і іх кароткай гістарычнай звесткай.

Прэзентацыя выставы “Ацалелыя  і неацалелыя палацы роду князёў Агінскіх” пройдзе ў музеі-сядзібе М.-К. Агінскага ў Залессі Смаргонскага раёна 17 снежня. Пачатак – у 14.00. Уваход вольны.

Сяргей ЮРЭВІЧ



Читайте также

Прятал наркотик в баночке из-под настойки валерианы. Суд вынес приговор
Прокуратура Минского района поддержала в суде государственное обвинение в отношении жителя столицы, которому инкриминирован незаконный оборот наркотических веществ.
Сегодня ГАИ проводит профилактику безопасного передвижения на средствах персональной мобильности
29 марта Госавтоинспекция Минской области проводит Единый день безопасности дорожного движения под девизом «Движение по правилам - основа безопасности!».
Права на 20 лет и техосмотр на 3 года. Какие изменения вносит новый указ?
Проведение более 200 административных процедур корректируется в Беларуси. Соответствующий указ №55 подписан 16 февраля.