У Смаргоні віншавалі вядомых землякоў-юбіляраў (фота)

Свой чарговы юбілей ў гэтым годзе святкавалі кампазітары Аляксандр Дзяруга і Аляксандр Шыдлоўскі, дырыжор Віктар Роўда, паэты Алесь Салагуб, Майсей Кульбак і Уладзімір Някляеў, паэтэса Алла Страшынская, пісьменнік Павел Савоська, скульптар Уладзімір Церабун, мастакі Анатоль Бяляўскі і Аляксандр Іваноў.

З імёнамі гэтых людзей цесна звязана гісторыя Смаргоншчыны. Многія з іх добра вядомыя не толькі ў Беларусі, але і за яе межамі.

Начальнік аддзела ідэалагічнай работы, культуры і па справах моладзі Смаргонскага райвыканкама Таццяна Ражэва на адкрыцці мерапрыемства зазначыла, што сённяшнія юбіляры – гэта тыя людзі, якія не толькі знайшлі сваё месца ў жыцці, але і пакінулі “вельмі значны, творчы след на гэтай зямлі”. Менавіта яны праслаўляюць Беларусь і нашу Смаргоншчыну, упэўнена яна.

Начальнік аддзела ідэалагічнай работы, культуры і па справах моладзі Смаргонскага райвыканкама Таццяна Ражэва

Паэтэса Алла Страшынская пажартавала, што трапіла на мерапрыемства выпадкова, таму што тут “такія заслужаныя людзі, вядомыя за межамі Беларусі. Супакойвае толькі тое, што бачу знаёмыя твары”.

У гэты вечар яна выканала песню на словы Мар’яна Дуксы са зборніка вершаў “Птушка вечнасці – душа”.

Паэтэса Алла Страшынская

Скульптар Уладзімр Церабун адзначыў, што ў такія гады па-сапраўднаму перабіраеш тое, што зроблена ў сваім жыцці, штосьці падсумоўваеш:

– Вядома, вялікую асалоду для мяне як аўтара вызывае мемарыяльны комплекс “Дальва” на Лагойшчыне. Сапраўды лічу яе ўдалай работай. Праз гады яны трывае.

Уладзімр Церабун лічыць, што самае цяжкае для скульптара – гэта не памыліцца, так як яго справа вельмі адказная.

Скульптар Уладзімр Церабун

Уладзімр Церабун таксама расказаў, што хутка скончыцца праца на мемарыяльным комплексе ў Смаргоні, адным з сааўтараў якого ён з’яўляецца.

– Паспрабуем гэта зрабіць да 2018 года – да 100-годдзя заканчэння Першай сусветнай вайны. Лічу, што гэта стане не толькі для Смаргоншчыны, але і для ўсёй Беларусі вельмі значнай падзеяй, – дадаў ён.

Павіншаваць Уладзіміра Церабуна з юбілеем прыйшлі цяперашнія вучні яго роднай сярэдняй школы №1

Мастак Анатоль Бяляўскі падкрэсліў, што яго бацька, таксама мастак, які ў свой час працаваў на Мядзельшчыне, быў для яго адным з першых настаўнікаў у гэтай нялёгкай справе.

Мастак Анатоль Бяляўскі

– Каб дасягнуць высокіх поспехаў у сваёй працы, па-першае, трэба быць шчырым чалавекам, – лічыць ён, – займацца сваёй справай, не хлусіць. А па-другое, як кажуць, з чалавека не выцеча больш, чым у ім ёсць. Што гэта значыць? Не трэба праводзіць спаборніцтвы з другімі, а трэба быць адказным перад самім сабой.

Музычны падарунак мастаку ад смаргонскага барда Алега Мізулы

Максім Пашук з песняй “Гуляць дык гуляць” на словы Уладзіміра Някляева

Навуковыя супрацоўнікі Смаргонскага гісторыка-краязнаўчага музея Вольга Самаркіна і Дзіна Шчуроўская, паэтэса Алла Страшынская, мастак Анатоль Бяляўскі, скульптар Уладзімір Церабун, дырэктар музея Марына Кіроўская (злева направа)

Сяргей ЮРЭВІЧ
Фота аўтара