Святочныя пляцоўкі і гандлёвыя рады адкрыюцца 23 жніўня ў цэнтры Крэва на Смаргоншчыне (ПРАГРАМА)
У межах фестывалю “Пад знакам Лялівы” ў Крэве адбудуцца фэст “Кераміка Крэва” і тэатралізацыя “З гісторыі Крэўскага краю”.
Як патлумачылі Край.бай у аддзеле ідэалагічнай работы, культуры і па справах моладзі Смаргонскага райвыканкама, святочныя пляцоўкі і гандлёвыя рады размесцяцца ў цэнтры Крэва, паміж замкам і мостам.
План мерапрыемстваў у межах фестывалю “Пад знакам Лялівы” апублікаваў сайт Смаргонскага райвыканкама.
План мерапрыемстваў
15.00 – пачатак фэсту “Кераміка Крэва”. Адкрыццё свята
Партал Край.бай з'яўляецца інфармацыйным партнёрам фэсту.
Прымаюць удзел каля 25 лепшых керамістаў Беларусі з майстар-класамі для дзяцей і дарослых.
Ярмарка керамікі ад традыцыйнай да сучаснай.
Выступленне артыстаў:
калектываў Сінькоўскага і Валожынскага ЦДК,
гуртоў “Горынь” і “Мярэжа” (Мінск),
гурта “Паўночная Сухадроўка” (Віцебск).
20.00 – пачатак тэатралізаванай дзеі “З гісторыі Крэўскага краю”
Прымаюць удзел:
калектыў сярэдневечнага танца, тэатр “Фламея” (Мінск),
гурты сярэдневечнай музыкі “Літы Талер” (Мінск) і “Скудрынка” (Ліда),
клуб гістарычнай рэканструкцыі “Гівойт” (Мінск).
23.00 – дыскатэка “Танцы праз стагоддзі”, Крэўскі ЦДК.
Святлана ЦІШКО, па матэрыялах сайта Смаргонскага райвыканкама
Читайте также
