Смаргонская паэтка Таццяна Скарынкіна падпісала сваю новую кнігу эсэ для Край.бай (фота)
Прэзентацыя кнігі Таццяны Скарынкінай “Шмат Чэслава Мілаша, крыху Элвіса Прэслі” адбылася ў зале Смаргонскай раённай бібліятэкі 7 снежня.
Край.бай анансаваў гэтую падзею.
Імпрэза, на якой сабралася каля дваццаці чалавек – у асноўным гэта сябры, былыя калегі Таццяны Скарынкінай – стала сапраўдным святам для ўсіх прысутных. Госці пілі гарбату, прыгадвалі цікавыя факты з біяграфіі паэтэсы, чыталі разам з паэткай яе вершы.
Таццяна Скарынкіна растлумачыла прысутным, чаму яе новая кніга “Шмат Чэслава Мілаша, крыху Элвіса Прэслі” мае такую назву:
– У апошні час мне пачала падабацца творчаць польскага паэта і эсэіста Чэслава Мілаша. А калі надышоў час даць назву сваёй новай кнізе, то я вырашыла, што яго імя павінна быць увекавечана на яе вокладцы.
Смаргонская паэтка Таццяна Скарынкіна прэзентавала новую кнігу “Шмат Чэслава Мілаша, крыху Элвіса Прэслі”
Пасля імпрэзы ўсе жадаючыя маглі набыць новую кнігу Таццяны Скарынкінай. Многім яна аставіла свой аўтограф на памяць.
Таццяна Скарынкіна падпісала сваю новую кнігу эсэ і для Край.бай
Сяргей ЮРЭВІЧ
Фота аўтара і прадастаўлены Край.бай Смаргонскай раённай бібліятэкай
Нашли ошибку в тексте? Выделите ее и нажмите Ctrl + Enter
Читайте также
