Астраўчане сталі пераможцамі ў міжраённых спаборніцтвах паляўнічых па стральбе
У міжраённых спаборніцтвах паляўнічых па стральбе прынялі ўдзел каманды са Смаргонскага, Ашмянскага і Астравецкага аддзяленняў рэспубліканскага грамадскага аб’яднання “Беларускае таварыства паляўнічых і рыбаловаў”.
Аб гэтым 11 верасня піша “Астравецкая праўда”.
Астравеччыну на турніры, які прайшоў на палігоне вучэбнага пагранічнага цэнтра “Дзевятні”, прадстаўляла каманда Гервяцкай паляўнічай дачы ў складзе Віталія Сцефановіча, Ігната Бараноўскага і Віктара Алёхны.
Як расказаў егер Гервяцкай паляўнічай дачы Станіслаў Вяржынскі, які ўзначальваў каманду, спаборніцтва складалася з двух відаў стральбы – па бягучым кабане і па бягучай казулі.
Астравецкія стралкі агульнымі намаганнямі выбілі 86 ачкоў са ста магчымых і сталі пераможцамі. Арганізатары турніру ўручылі камандзе Кубак і Ганаровую грамату, а ашмянцам і смаргонцам падзякавалі за ўдзел у спаборніцтвах.
Паводле “Астравецкай праўды”
Читайте также
