Кушлянскі фэст

28 жніўня ў апошнія выходныя лета з 12.00 да 16.00 рады запрасіць вас у Музей-сядзібу Францішка Багушэвіча «Кушляны» на чарговы «Кушлянскі фэст», які ладзіцца ў гонар вялікага Песняра.

Вас чакае ўсё толькі самае цікавае і пазнавальнае:

• экскурсія па музеі Францішка Багушэвіча ад гаспадара сядзібы Алеся Жамойціна

• канцэрт-лекцыя «Ад дуды да раяля» майстра народных інструментаў Алеся Лася

• выступленні фальклорных калектываў («Явар», «Мярэжа», удзельнікаў Студэнцкага этнаграфічнага таварыства)

• майстар-класы па беларускай лацінцы і вырабу сувенірных паштовак

• мастацкі пленэр для дзетак

• кірмаш ад майстроў Смаргоншчыны

• духмяная гарбата з зёлак ад сядзібы «Дайнаўскі двор»

• займальная гульні, віктарыны, аквагрым і інш.

А таксама – гасціннасць, ўзняты настрой і самыя маляўнічыя краявіды!

Да сустрэчы ў Кушлянах – сапраўдным месцы моцы і творчай энергіі!

Квіткі: 7 руб., сям’я ад 3 чалавек – 10 руб., пры онлайн-замове – зніжкі.
Дзеці да 16 гадоў – бясплатна.

Для жадаючых будзе арганізаваны даезд на аўтобусе з Мінска: 15 рублёў (уваходны квіток уключаны ў кошт).