Прэзентацыя кнігі пастаўскіх краязнаўцаў «Стары Двор і ваколіцы» – 10 снежня ў раённай бібліятэцы
У суботу, 10 снежня, у 16.00 у Пастаўскай раённай бібліятэцы адбудзецца сустрэча з аўтарамі кнігі «Стары Двор і ваколіцы» – вядомымі мясцовымі краязнаўцамі Ігарам Пракаповічам і Мікалаем Арэхам.
Кніга выйшла ў свет у мінскім выдавецтве “Каўчэг” невялікім тыражом на ахвяраванні жыхароў і ўраджэнцаў вёскі, а таксама ААТ “Навасёлкі-Лучай”, піша сайт газеты "Пастаўскі край".
Падчас сустрэчы яе ўдзельнікі змогуць убачыць мультымедыйную прэзентацыю, якая дасць уяўленне пра асноўныя раздзелы выдання, працэс збору матэрыялаў, адметныя мясціны і падзеі Старадворшчыны. Аўтары раскажуць пра свае пошукі і знаходкі, цікавых людзей, пра сур’ёзныя і жартоўныя мясцовыя гісторыі, якія ім давялося пачуць падчас працы над кнігай.
На сустрэчу запрашаюцца ўсе, хто цікавіцца матэрыяльнай і духоўнай спадчынай Пастаўшчыны, любіць і шануе родны край. Уваход свабодны.
Нашли ошибку в тексте? Выделите ее и нажмите Ctrl + Enter
Читайте также
