Куды схадзіць на навагодніх святах у Ашмянах
Менш за два тыдні засталося да галоўных зімовых святаў. Людзі прыносяць дадому елкі, упрыгожваюць іх цацкамі. Дарослыя рыхтуюць калядны стол, а дзеці мараць аб падарунках і чакаюць сустрэчы з Дзедам Марозам.
Калядныя кірмашы ў Ашмянах (вуліца Першамайская і вуліца Савецкая) адбудуцца напярэдадні каталіцкага свята Божага нараджэння з 22 па 24 снежня, а таксама напярэрадні праваслаўнага свята – 5-6 студзеня. Усіх жадаючых запрашаюць і на навагоднія кірмашы з 28 па 31 снежня, паведамляе сайт газеты «Ашмянскі веснік».
Напрыканцы снежня на галоўнай елцы горада каля райвыканкама запаляць агні. Гарадское тэатралізаванае свята «Когда зажигаются елки» адбудзецца 23 снежня а 13 гадзіне.
Традыцыйныя «Рождественские встречи» запланаваныя на 25 снежня, 7 і 8 студзеня. Сёлета вас чакаюць выступленні народнага тэатра танца і песні «Імпульс», народнага ансамбля цыганскай песні «Джана Рома», студыі тэатральна-эстрадных мініяцюр «Смайл», а таксама латарэя «Шчаслівы білет ад Дзеда Мароза».
Адправіцца ў цікавае навагодняе падарожжа, наведаць рэзідэнцыю Дзеда Мароза, закружыцца ў карагодзе, паўдзельнічаць у гульнях і конкурсах разам з казачнымі героямі запрашае раённы цэнтр культуры.
Читайте также
