Сёлета ў Смаргоні плануюць устанавіць памятны знак і скульптурную кампазіцыю
Мастацка-экспертны савет разгледзеў эскізныя праекты памятнага знака воінам-інтэрнацыяналістам "Рэха вайны” і скульптурнай кампазіцыі "Мядзведжая акадэмія”, якія плануецца ўстанавіць сёлета ў Смаргоні.
Як паведамляе 22 красавіка “Светлы шлях”, на мінулым тыдні ў Гродне адбылося пасяджэнне мастацка-экспертнага савета па манументальнаму і манументальна-дэкаратыўнаму мастацтву пры ўпраўленні культуры аблвыканкама.
Эскізныя праекты прадставілі савету аўтар распрацовак, заслужаны дзеяч мастацтваў Рэспублікі Беларусь, скульптар Уладзімір Церабун і намеснік старшыні райвыканкама, архітэктар Аляксандр Бажыдай.
У выніку абмеркавання савет даў дабро распачаць выраб памятнага знака "Рэха вайны” (камень) і скульптурнай кампазіцыі "Мядзведжая акадэмія” (чыгун).
Памятны знак "Рэха вайны”
Фінансуе работу раённы выканаўчы камітэт.
Выбраны месцы ўстаноўкі: памятны знак размесціцца ў ажыўленым цэнтры горада, каля бібліятэкі, а кампазіцыя "Мядзведжая акадэмія” – на цэнтральнай алеі гарадскога парку.
Па матэрыялах газеты “Светлы шлях”
Нашли ошибку в тексте? Выделите ее и нажмите Ctrl + Enter
Читайте также
