Опубликовано: 12 августа 2016, 17:53
96

Святлана Сарока: «У Маладзечне ў хуткім часе будзе свая мастацкая галерэя»

Пра тое, што ў Маладзечне будзе свая мастацкая галерэя, а пасля і мастацкі музей, дырэктар Палаца культуры ў Маладзечне Святлана Сарока паведаміла ў інтэрв’ю Край.бай сёння, 12 жніўня, падчас закрыцця міжнароднага пленэра.

Плануецца, што мастацкая галерэя размесціцца ў будынку Цэнтральнай раённай бібліятэкі імя Максіма Багдановіча пасля яе рамонту. Галерэя запрацуе на першым паверсе бібліятэкі з левага боку.

Дырэктар Палаца культуры ў Маладзечне Святлана Сарока

Дырэктар Палаца культуры ў Маладзечне Святлана Сарока. Фота Кацярыны Сушко, Край.бай

– У нашым горадзе шмат гадоў працуе вельмі моцная суполка мастакоў, якія стварылі школу выяўленчага мастацтва, робяць вялікі ўнёсак у развіццё мастацтва горада, Мінскай вобласці і наогул краіны, – зазначыла Святлана Сарока падчас цырымоніі закрыцця пленэру. – Падзея, якая адбылася ў межах нашага мерапрыемства, таксама застанецца ў гісторыі Маладзечна. Карціны, што былі створаныя мастакамі, мы перададзім у нашу галерэю.

Па словах суразмоўцы, рашэнне аб стварэнні мастацкай галерэі, ужо прынята.

– Мы пачынаем з галерэі, але вельмі марым аб мастацкім музеі, – распавяла ў інтэрв’ю Край.бай Святлана Сарока. – Акрамя прац, якія застануцца ў нас пасля пленэру, у мастакоў ёсць вельмі вялікія фонды сваіх уласных карцін. Таму галерэі будзе малавата. Мастакі мараць аб тым, каб у нас быў мастацкі музей з вялікімі прасторнымі выставачнымі заламі, з фондасховішчамі, дзе творы будуць захоўвацца. Спадзяёмся, што з цягам часу мы зможам гэта рэалізаваць.

Нагадаем, у пачатку 2016 года актывісты прапаноўвалі зрабіць у Маладзечне галерэю пад адкрытым небам.

Кацярына СУШКО



Читайте также

Дача горела ночью в Молодечненском районе – люди не пострадали
Сегодня ночью, 28 марта, в садоводческом товариществе недалеко от деревни Гай Молодечненского района загорелся дачный дом. Обошлось без жертв и пострадавших.
Вступительная кампания 2024: нарушители инструкции о проведении ЦЭ смогут продолжить образование
Выпускная кампания в учреждениях общего среднего образования в 2024 году выстроена так, что даже нарушители инструкции о проведении централизованного экзамена получат возможность продолжить учебу.
Права на 20 лет и техосмотр на 3 года. Какие изменения вносит новый указ?
Проведение более 200 административных процедур корректируется в Беларуси. Соответствующий указ №55 подписан 16 февраля.