Опубликовано: 29 ноября 2013, 15:30
59

Молодечненец и браславчанин стали новыми католическими епископами Беларуси

29 ноября Папа Римский Франциск назначил трех новых епископов Беларуси. Среди них – уроженец Молодечно Юрий Кособуцкий и уроженец Браслава Олег Буткевич.

29 лістапада Папа Францішак прызначыў трох новых біскупаў у Беларусі: кс. Алега Буткевіча біскупам Віцебскай дыяцэзіі, кс. Юрыя Касабуцкага дапаможным біскупам Мінска-Магілёўскай архідыяцэзіі, кс. Іосіфа Станеўскага дапаможным біскупам Гродзенскай дыяцэзіі.

Пра гэта паведамляе афіцыйны сайт Рыма-Каталіцкага Касцёла ў Беларусі са спасылкай на адпаведны камунікат Апостальскай Нунцыятуры.

Біскупская сакра будзе ўдзелена біскупу намінату Алегу Буткевічу 18 студзеня ў віцебскай катэдры ў 12 гадзін, біскупу намінату Юрыю Касабуцкаму 25 студзеня ў мінскай архікатэдры ў 11 гадзін, біскупу намінату Іосіфу Станеўскаму 1 лютага ў гродзенскай катэдры ў 12 гадзін.


Кароткія біяграфіі новапрызначаных біскупаў


Яго Эксцэленцыя мансіньёр Алег Буткевіч

Нарадзіўся 18 сакавіка 1972 г. у Браславе, на тэрыторыі сучаснай Віцебскай дыяцэзіі. Перад паступленнем у Вышэйшую духоўную семінарыю ў Гродне (1994 г.) скончыў Беларускі дзяржаўны аграрны тэхнічны ўніверсітэт.

Прэзбітэрскае пасвячэнне прыняў 13 мая 2000 г.; з’яўляецца прэзбітэрам Віцебскай дыяцэзіі. Выконваў абавязкі вікарыя парафіі ў Наваполацку і Міёрах, абавязкі пробашча парафіі ў Бешанковічах і Уле. З 2003 г. выконвае абавязкі пробашча парафіі Св. Антонія Падуанскага ў Віцебску і дэкана дэканату Віцебск-паўночны.


Яго Эксцэленцыя мансіньёр Юрый Касабуцкі

Нарадзіўся 15 лютага 1970 г. у Маладзечне на тэрыторыі сучаснай Мінска-Магілёўскай архідыяцэзіі. Перад паступленнем у Вышэйшую духоўную семінарыю ў Гродне (1991 г.) вучыўся ў Беларускім дзяржаўным інстытуце народнай гаспадаркі і адбыў вайсковую службу.

Прэзбітэрскае пасвячэнне прыняў 7 снежня 1996 г.; з’яўляецца прэзбітэрам Мінска-Магілёўскай архідыяцэзіі. Выконваў абавязкі вікарыя парафіі Унебаўзяцця Найсвяцейшай Марыі Панны і св. Станіслава ў Магілёве і адміністратара парафіі Узвышэння Святога Крыжа ў Вілейцы. З 1999 г. па 2001 г. вучыўся ў Люблінскім каталіцкім універсітэце (Польшча), дзе атрымаў ступень ліцэнцыята тэалогіі. З 2001 г. па 2004 г. выконваў абавязкі прэфекта Міждыяцэзіяльнай вышэйшай духоўнай семінарыі ў Пінску.  У 2004 г. прызначаны дырэктарам Сакратарыяту Канферэнцыі Каталіцкіх Біскупаў Беларусі. З 2005 г. выконвае абавязкі канцлера курыі Мінска-Магілёўскай архідыяцэзіі. З 2006 г. з’яўляецца таксама адміністратарам парафіі Найсвяцейшай Тройцы (св. Роха) на Залатой Горцы ў Мінску. З’яўляецца выкладчыкам ў Міждыяцэзіяльнай вышэйшай духоўнай семінарыі ў Пінску і Катэхетычным каледжы імя св. Яна Хрысціцеля ў Мінску.


Яго Эксцэленцыя мансіньёр Іосіф Станеўскі

Нарадзіўся 4 красавіка 1969 г. у Заневічах на тэрыторыі сучаснай Гродзенскай дыяцэзіі. Пасля вайсковай службы і працоўнага досведу паступіў у Вышэйшую духоўную семінарыю ў Гродне (1990 г.).

Прэзбітэрскае пасвячэнне прыняў 17 чэрвеня 1995 г.; з’яўляецца прэзбітэрам Гродзенскай дыяцэзіі. У тым жа годзе быў прызначаны вікарыем парафіі Св. Вацлава ў Ваўкавыску. Пасля крыху больш чым гадавой душпастырскай паслугі быў скіраваны ў Люблінскі каталіцкі ўніверсітэт (Польшча), дзе атрымаў ступень ліцэнцыята кананічнага права. У 1999 г. быў прызначаны выкладчыкам і прэфектам Вышэйшай духоўнай семінарыі ў Гродне. З 2000 г. з’яўляецца суддзёй, а з 2005 г. — віцэ-афіцыялам Міждыяцэзіяльнага касцёльнага суда ў Гродне. З 2004 г. выкладае кананічнае права ў Катэхетычным інстытуце ў Гродне. 23 червеня 2005 г. быў прызначаны рэктарам Вышэйшай духоўнай семінарыі ў Гродне. З’яўляецца членам Біскупскай рады і Калегіі кансультантаў Гродзенскай дыяцэзіі. У 2007-2013 гг. быў адказным за душпастырскую фармацыю маладых святароў у Гродзенскай дыяцэзіі.  З 2009 г. з’яўляецца каардынатарам душпастырства пакліканняў. У 2012 г. быў прызначаны капеланам Яго Святасці.

Па матэрыялах catholic.by



Читайте также

В Глубоком – вишневой столице Беларуси – зацвела сакура
Сакура цветет во дворе у местной жительницы. Небольшое деревце около полутора метров высотой, на котором пока практически нет листьев, усыпано пышными цветами.
В Вилейском районе горели два сарая, баня и летняя кухня: погибли домашние животные
Пожар произошел вечером 18 мая в деревне Снежково. В службу спасения позвонили местные жители, сообщившие, что у соседа во дворе – задымление.
Провести ПЦР-исследования на COVID-19 белорусы смогут только в государственных лабораториях
Минздрав отменил проведение ПЦР-исследований на COVID-19 в лабораториях частных медицинских центров.