Опубликовано: 06 августа 2012, 11:30
27

Маладзечанец DJ Gran+ прадставіць Беларусь на еўрапейскім фестывалі "Sziget"

З 6 па 13 жніўня ў Будапешце пройдзе адзін з самых папулярных еўрапейскіх фестываляў сучаснай музыкі — "Sziget". Ад Беларусі ў сёлетнім фэсце будзе ўдзельнічаць адзіны прадстаўнік — маладзечанец Сяргей Драбышэўскі, ён жа DJ Gran+.

На ім запланавана выступленне вядомых груп “The Stone Roses”, “Placebo”, піша «Культура».

— Заяўку на ўдзел падаў яшчэ зімой, — распавёў Сяргей. — Перад тым выпусціў першы афіцыйны рэліз на японскім лэйбле. З яго і атрымаўся альбом “Now_vember”, які выйшаў у снежні мінулага года, але быў запісаны ў лістападзе. Адсюль і назва “Лістапад” на англійскай мове. На фестываль еду з гэтым альбомам і з другім сваім рэлізам “Tet-a-tet/Day”.

— А калі плануецца выступленне на "Sziget" і чаго чакаеце ад удзелу ў фестывалі?

— Мой сэт запланаваны ўначы з 11 на 12 жніўня. Буду граць сваю музыку, што называецца, “жыўцом”, таму цяпер пастаянна рэпецірую, рыхтуюся. Планую прадставіць на фестывалі і новыя свае кампазіцыі. Асноўная мая мэта — за гадзіну выступлення як мага цікавей паказаць сябе і выкласціся на 100 працэнтаў. І, канечне, вельмі хочацца займець на фестывалі новыя знаёмствы, распавесці пра сябе і сваю творчасць. А яшчэ хачу абавязкова паблукаць па гістарычным і сучасным Будапешце, дзе ніколі не быў.

— Вы скончылі ў Маладзечне Музычнае вучылішча імя Агінскага, паспелі ў ім папрацаваць выкладчыкам, цяпер шчыруеце гукааператарам у Мінскім абласным драматычным тэатры. Але ж, адзіны прадстаўнік Беларусі, едзе на фестываль за свае грошы...

— Так, бо спонсараў пакуль не знайшоў. Але я бяру ў дарогу свае дыскі: на фестывалі будзе працаваць спецыялізаваная крама, куды можна іх аднесці, а потым атрымаць грошы, калі тваю музыку набудуць. Але еду, вядома, не па гэта, а па новыя ўражанні і знаёмствы.

"Культура"



Читайте также

В предстоящие выходные похолодает. Ночью возможны заморозки, днем до +23°С
С 26 мая через территорию нашей страны будет смещаться малоактивный атмосферный фронт, который принесет кратковременные дожди с грозами и понижение температуры воздуха.
Квартира горела ночью в Молодечно – в больницу с ожогами отвезли 46-летнего мужчину
В Молодечно на улице Великий Гостинец сегодня, 27 мая, после полуночи случился пожар в квартире на четвертом этаже пятиэтажного дома. Получил ожоги и был госпитализирован 46-летний мужчина, который там гостил.
«Дядя, спасибо за самокат!» Пограничники из Вилейки в свой праздник отвезли подарки детям
28 мая четверо вилейчан отвезли подарки детям из социального центра в Шиловичах. Так молодые люди отпраздновали День пограничника.