Білет на творчы вечар “Галасы часу” выйграў маладзечанец Іван Марчанкаў
Творчы вечар “Галасы часу” адбудзецца 28 лістапада ў Палацы культуры горада Маладзечна.
Розыгрыш білета ладзілі партал Край.бай і Палац культуры. Удзельнікам трэба было адказаць на пяць пытанняў пра Маладзечна. Білет атрымоўваў той, хто першым дашле правільныя адказы і адзначыцца ў каментарах пад публікацыяй з пытаннямі.
Іван Марчанкаў быў не адзіным, хто даў правільныя адказы, але яго ліст прыйшоў першым.
Мужчына расказаў нам, што нарадзіўся і жыве ў Маладзечне. У нашых розыгрышах удзельнічае не першы раз, але выйграў упершыню. На канцэрт плануе пайсці з жонкай – сям'я з'яўляецца прыхільніцай творчасці "Песняроў", асабліва перыяду Уладзіміра Мулявіна.
Адказы на пытанні
1) Які горад у 2016 годзе стане культурай сталіцай Беларусі?
Маладзечна.
2) Адкуль паходзіць назва горада Маладзечна (самая папулярная версія)?
Вікіпедыя першай называе наступную версію: Тапонім «Маладзечна» паходзіць ад назвы рэчкі Маладачанкі, якая знікла ў выніку меліярацыйных прац.
3) Калі і ў якім дакуменце ўпершыню згадваецца горад Маладзечна?
Першы пісьмовы ўспамін пра Маладзечна змяшчаецца ў прысяжным лісце князя Ноўгарад-Северскага Дзмітрыя Альгердавіча вялікаму князю Ягайлу і датуецца 16 снежня 1388.
4) У якім стагоддзі ўзнік Маладзечанскі замак?
У IV стагоддзі.
5) Чый палац быў пабудаваны ў Маладзечне ў ХVІІІ стагоддзі, але цяпер адносіцца да страчанай спадчыны?
Палац Агінскіх.
Усім дзякуем за ўдзел і запрашаем удзельнічаць у наступным розыгрышы.
Дана ЗАКРЭЎСКАЯ
Читайте также
