Акадэмічны аркестр Міхаіла Фінберга ўпершыню выступіць у вілейскім касцёле
Выступленне заслужанага калектыва Беларусі адбудзецца ў касцёле Узвышэння Святога Крыжа ў суботу, 13 мая. Пачатак – у 12.00.
– Аркестр у святыні выступіць упершыню, – паведаміў Край.бай пробашч касцёла, дэкан Вілейскага дэканата ксёндз Аляксандр Барыла. – Да нас паступіла прапанова ад гарадскіх улад, і мы далі дазвол на гэтае мерапрыемства.
Пачнецца выступленне аркестра ў 12.00. Па словах ксяндза Аляксандра, у выкананні заслужанага калектыва прагучыць музыка разнастайных кампазітараў XVII – XIX стагоддзяў, а таксама рэлігійныя творы.
– Уваход на выступленне аркестра будзе вольны, таму паслухаць яго могуць усе жадаючыя, – зазначыў ксёндз Аляксандр.
Па яго словах, вілейскі касцёл не першым прымае аркестр. Падобнае мерапрыемства адбылося 9 мая ў парафіяльным касцёле Святога Міхала Арханёла ў Навагрудку.
Юлія ЛАХВІЧ
Нашли ошибку в тексте? Выделите ее и нажмите Ctrl + Enter
Читайте также
