Абрадавыя песні, гульнёвы квэст, варажба – купальскую ноч у Залессі на Смаргоншчыне адсвяткуюць 6 ліпеня
Штогод з надыходам самых доўгіх летніх дзён і кароткіх начэй у Залессі святкуюць Купалле.
Купальская ноч у Залессі аб'ядноўвае старажытныя традыцыі і рытуалы, сучасныя тэатралізаваныя прадстаўленні, вясёлыя гульні і квэсты. За шмат гадоў яна стала сапраўдным брэндам Залесся: сюды прыязджаюць шматлікія госці не толькі з Беларусі, але і Расіі, Украіны, Латвіі, Літвы і іншых краін свету.
Прыехаўшы на Купалле ў Залессе, Вы зможаце паўдзельнічаць у абрадавых песнях і карагодах, прайсці рытуал ачышчэнны вадой і агнём, паваражыць на лёс, пакаштаваць напояў, настоеных на водары купальскіх траў, а галоўнае – паспрабаваць знайсці чароўную папараць-кветку праз гульнёвы квэст.
Асаблівы настрой свята будуць ствараць фолк-гурт “Vuraj” (Мінск), студыя “Варгін” (Мінск), экс-саліст ансамбля “Песняры” Дзяніс Дзямідаў, DJ Яўген Ермаковіч (Мінск).
Убачыць Купалле можна ў самых розных мясцовасцях Смаргонскага раёна, але найбольш вядомае, адметнае і маштабнае масавае гулянне праходзіць у Залессі.
З чаго пачынаецца лета? З купальскай ночы ў Залессі, якая чакае Вас 6 ліпеня (суббота) у 20.00.
Аддзел культуры
Смаргонскага раённага выканаўчага камітэта
УНП 500050295
Нашли ошибку в тексте? Выделите ее и нажмите Ctrl + Enter
Читайте также
