Дзяржаўтаінспекцыя: У Браславе 12 лютага кіроўца аўтобуса няправільна выбраў хуткасць і таму з'ехаў у кювет
Як паведамлялася раней, у сераду, 12 лютага, па дарозе на працу 27 жыхароў Браслава трапілі ў аварыю.
Партал Край.бай пісаў аб гэтым.
Падрабязнасці дарожна-транспартнага здарэння, аб якіх расказаў Юрый Лаўрыновіч, старшы інспектар ДПС АДАІ, публікуе сайт “Браслаўскай звязды”.
Раніцай вадзіцель аўтобуса СВК “Маяк Браслаўскі”, які кожны будны дзень забірае ў горадзе работнікаў гаспадаркі, як заўсёды, адправіўся ў рэйс. Калі ўсе пасажыры ўжо былі ў аўтобусе, ён накіраваўся ў бок сельгасгаспадаркі. Пад'язджаючы да аўтазапраўкі, вадзіцель няправільна выбраў хуткасць, не ўлічыў стан дарожнага пакрыцця, дапусціў занос транспартнага сродку, з’ехаў у кювет і перакуліўся.
У выніку ДТЗ адна пасажырка атрымала ўдар пазваночніка груднога аддзела, на месцы аварыі яе абследавалі ўрачы ЦРБ. Астатнія, на шчасце, не пацярпелі. Аўтобус атрымаў механічныя пашкоджанні.
Да адказнасці ў ДТЗ прыцягнуты начальнік ЛДД ДЭУ-34 за не пачышчаную і не пасыпаную своечасова дарогу.
Паводле “Браслаўскай звязды”
Читайте также
