В агрогородке Нарочь под Мяделем после обращения жителей навели порядок, но проблемы еще остались
У ліпені жыхары аграгарадка Нарач звярнуліся да кіруючыга справамі Мядзельскага райвыканкама па пытаннях добраўпарадкавання вуліц і грамадскіх месцаў. Кraj.by пацікавіўся, які адказ атрымалі жыхары і што змянілася.
Зварот разгледжаны і шмат чаго зроблена, але есць над чым яшчэ працаваць.
Самае галоўнае для жыхароў, што кіраўніцтва абяцала ўсталяваць дзіцячую пляцоўку ў 2024 годзе. Дзеці і дарослыя даўно чакаюць такі падарунак сваёй вёсцы, якой ў гэтым годзе споўнілася 570 год. На жаль, да гэтай даты не паспелі. Мясцовыя спадзяюцца, што наступным летам дзеці будуць гуляць на новай пляцоўцы.
У цэнтры вёскі ажыццявілі замену біятуалета, арганізавалі яго рэгулярную ўборку. Праўда, няма ніводнага ўказацеля для гасцей аграгарадка, дзе ён знаходзіцца. А гэта актуальна, бо не ведаючы, дзе туалет стаіць, яго не знойдзеш.
Прыбралі і пясок ля бардзюраў уздоўж дарог.
А вось да тратуараў пакуль ход не дайшоў. Так і стаяць у пяску, месцамі паросшыя травой.
Жыхары скардзяцца, што смецце на пешаходнай дарожцы паміж к.п. Нарач і аг.Нарач так і валяецца ля абшарпаных і пакрыўленых лавачак.
Захочацца пасядзець, а ўсё навокал закідана акуркамі ды бутэлькамі.
Трэба адзначыць, што за гэты час быў праведзены ямачны рамонт вуліц і адноўлена разметка на пешаходных пераходах і штучных няроўнасцях.
Зоя СЕРАДА
Фота аўтара
Читайте также
