Першы міжнародны фестываль агню ўпершыню прайшоў у Мінску (ФОТА)
На стадыёне “Трактар” у Мінску “запальвалі” фаершчыкі. Людзі, якія ў наўпростым сэнсе слова любяць жартаваць з агнём.
Праграма распачалася паказальнымі выступамі. Аматары агню з Літвы і Украіны танцавалі з вогненнымі веерамі ды круцілі вогненныя палкі, паведамляе budzma.org.
Digrease’s Buffon Theatre
Афіцыйную частку вогненнага спаборніцтва адкрылі беларусы Digrease’s Buffon Theatre з пастаноўкай “Алхімік” паводле твора Гётэ “Лясны цар”. Калі першыя беларусы ўразілі драматургіяй і акторскай гульнёй, то другія – каманда “Маоры” – “запалілі” публіку піратэхнічна-вогненным відовішчам. Дарэчы, “Маоры” – невыпадковая назва. Былі такія плямёны ў Новай Зеландыі. У межах некаторых культаў яны круцілі на вяроўках каменьчыкі, абгорнутыя ў тканіну. Такі прыбамбас называўся «поі» – «мяч на вяроўцы». Сёння поі – адзін з самых распаўсюджаных прылад для фаершчыкаў.
Элементаль
Беларускі тэатр агню “Элементаль” выправіўся ў космас. Павал Абакумаў (адзін з пачынальнікаў фаер-шоў на Беларусі) са сваім калегам па тэатры выйшлі на сцэну ў марсіянскіх касцюмах. За плячыма касманаўтаў – срэбныя заплечнікі, адкуль у патрэбны момант павалілі іскры, ператвараючы касмічных падарожнікаў у лятучых вогненных коней.
Гефест
Вогненны канцэрт ад гурта “Гефест” (гітарысты на хадулях і ў языках агню). Літоўскія ўдзельнікі ў скураных ботах і панчохах “запалілі” хэві-метал-шоў з вогненнымі палкамі.
Шоў на “Трактары” скончылася ўначы.
Па матэрыялах budzma.org
Читайте также
