Опубликовано: 07 июля 2015, 14:29
39

З павагай да Агінскіх. У Смаргоні 10 ліпеня адкрыецца выстава “Мелодыі Радзімы”

Адкрыццё запланавана на 15.00 у Смаргонскім гісторыка-краязнаўчым музеі.

Сёлета мы з вялікай павагай прыгадваем розныя старонкі жыцця і творчасці  слаўных прадстаўнікоў роду Агінскіх Міхала Канстанціна (1730 – 1800) і Міхала Клеафаса (1765 – 1833). Яны былі не толькі значнымі палітыкамі, дыпламатамі, грамадскімі дзеячамі, але і вялікімі кампазітарамі свайго часу. Каб адзначыць гэтыя слаўныя імёны нашых паважаных землякоў і патрыётаў Радзімы, узнікла ідэя правядзення мастацкай выставы ў Смаргоні.

Яе ўдзельнікі – сябры суполкі “Абуджэнне” з Мінска і Узды: Андрэй Лычкоўскі, Фёдар Ладуцька, Уладзімір Сайко і Яўген Шунейка. Таксама да гэтай выставы шчыра далучыліся сябры мастацкай суполкі “Слонім-art”: Васіль Грыневіч, Леанід Богдан, Яўген Іваноў, Віталь Фядотаў, Тамара і Алесь Стэцэнкі, Казімір Кулеш і Уладзімір Макарэвіч.

Усіх творцаў аб’ядноўвае вялікая павага да Агінскіх, якія пакінулі вялікі след у нашай айчыннай гісторыі і культуры, але не дачакаліся па сённяшні дзень вобразнага адкрыцця іх жыцця і дзейнасці ў сучасных мастацкіх творах.

Удзельнікі выставы вырашылі пераадолець такую “застойную” сітуацыю. Яны упершыню адлюстроўваюць вобразы Агінскіх у нашым выяўленчым мастацтве ХХІ ст. у жывапісе, ствараюць мемарыяльныя знакі, прысвечаныя іх памяці. Таксама мастакі праводзяць шматлікія сеансы пленэрнага жывапісу ў тых мясцінах на Гродзеншчыне, дзе жылі і натхняліся каляровым і гукавым суладдзем нашай зямлі Міхал Казімір і Міхал Клеафас. 

Изображение 1

Изображение 3

Изображение 2

Изображение 4

У шматлікіх жывапісных і фотапейзажах аўтары імкнуліся данесці такую натхняльную сувязь. Творы выставы вырашаны ў апірышчы на традыцыі стыляў рэалізму, рамантызму і сімвалізму, якія з’яўляюцца найбольш адпаведнымі для вырашэння пастаўленай задачы.         

Гэта  выстава – першы вынік супольнай творчай актыўнасці і мэтанакіраванасці, якія дапамагаюць сучаснікам шчыра ганарыцца прыродным хараством нашай краіны і яе вялікімі дзеячамі мінулых стагоддзяў, жыццё і дзейнасць якіх заўсёды будзе для нас высокім прыкладам служэння Радзіме.  

Паводле матэрыялаў, прадастаўленых Край.бай мастакамі суполак “Абуджэнне” і “Слонім-art”



Читайте также

В Докшицком районе в лесу заблудился пожилой мужчина
1 декабря в 00.20 спасателям Докшиц поступило сообщение о заблудившемся мужчине в лесу вблизи деревни Домашковичи Докшицкого района.
Почти 40% расходов из бюджета белорусской семьи идут на питание
Белстат посчитал доходы и расходы белорусов: в среднем живут на 1 840 рублей в месяц.
Инспекция МНС по Вилейскому району удержала подоходный налог с организации – 4,6 тысячи рублей
Инспекция Министерства по налогам и сборам по Вилейскому району установила факт привлечения организацией к труду наемного работника без заключения трудового договора или договора гражданско-правового характера.