Вёска Парыж Пастаўскага раёна адсвяткуе 200-годдзе 28 кастрычніка (ПРАГРАМА свята)
На свяце ўшануюць старажылаў, працоўныя дынастыі, юбіляраў, маладажонаў. Запланавана выстава-дэгустацыя выпечкі і гарбаты.
Праграма святкавання 200-годдзя вёскі Парыж
12.00-12.30 – паніхіда па забітых воінах і мітынг каля помніка воінам, што загінулі ў вайне 1812 года, з удзелам прыхаджан Асінагарадоцкай царквы, жыхароў вёскі Парыж і вучняў Навадруцкай і Казлоўшчынскай школ.
12.30-12-45 – урачыстае шэсце ў Парыжскі сельскі Дом культуры.
12.45 – 13.00 – сустрэча шэсця касцюміраванай групай каля міні-Эйфелевай вежы.
13.00-13.30 – выстава народных майстроў Казлоўшчынскага сельскага савета, выстава-дэгустацыя выпечкі і гарбаты, падрыхтаваная клубам “Парыжанка” Парыжскай сельскай бібліятэкі. Выстава дароў восені з тэматычнай экспазіцыяй. Фатаграфаванне з гістарычнымі персанажамі (шаблоны). Удзел прымаюць Навінкаўскі клуб-бібліятэка, клуб “Журавінка” Казлоўшчынскай сельскай бібліятэкі. Канцэртная праграма духавога аркестра Пастаўскага каледжа.
13.30-14.30 – тэматычная вечарына “Наш Парыж” з ушанаваннем старажылаў, працоўных дынастый, юбіляраў, маладажонаў. Канцэртныя нумары. Удзел прымаюць Пастаўскі краязнаўчы музей, гурток “Юны экскурсавод” Навадруцкай школы, Парыжскі сельскі Дом культуры, Гуцкі сацыяльна-культурны цэнтр і Навінкаўскі клуб-бібліятэка.
14.30 – 15.00 – канцэртная праграма народнага ансамбля беларускай песні “Маладзіца” Навасёлкаўскай дзіцячай школы мастацтваў.
20.00-24.00 – дыскатэка для моладзі ў Парыжскім сельскім Доме культуры.
Па матэрыялам, прадастаўленым начальнікам аддзела культуры Пастаўскага райвыканкама Аксанай САКАЛОВАЙ
Нашли ошибку в тексте? Выделите ее и нажмите Ctrl + Enter
Читайте также
