Опубликовано: 21 декабря 2012, 16:50
40

У канферэнцыі, прысвечанай Вінцэнту Гадлеўскаму, прымуць удзел краязнаўцы з Маладзечна і Смаргонскага раёна

Канферэнцыя «Айцец Вінцэнт Гадлеўскі і лідэры беларускага хрысціянскага адраджэння першай паловы XX ст.» адбудзецца 22 снежня ў Мінску.

Яна будзе прысвечаная 70-годдзю з дня смерці ў лагеры смерці Трасцянец пад Мінскам беларускага нацыянальнага лідэра, ідэолага беларускага адраджэння, ксяндза Вінцэнта Гадлеўскага. Канферэнцыя пачнецца ў 12.00 па адрасе: вуліца Чарнышэўскага, 3.

Даведка: Вінцэнт Гадлеўскі – каталіцкі святар, беларускі палітычны і грамадскі дзеяч, публіцыст, адзін з заснавальнікаў і лідараў Беларускай хрысціянскай дэмакратыі. Нарадзіўся 16 лістапада 1888 года ў вёсцы Шурычы Ваўкавыскага павета. Скончыў Віленскую каталіцкую духоўную семінарыю (1912) і Пецярбургскую каталіцкую духоўную акадэмію (1916). Пасвячоны ў святары 03.06.1914 года. У гады вучобы ў духоўнай акадэміі быў сябрам культурна-асветнага гуртка беларускіх студэнтаў. На пачатку 1920-х гадоў пераехаў на Віленшчыну, дзе ў міжваеннае дваццацігоддзе займаўся нацыянальна-рэлігійнай і культурна-асветнай дзейнасцю. З 1924 года пробашч касцёла ў мястэчку Жодзішкі Свянцянскага павета. З верасня 1941 года жыў і працаваў у Мінску. Быў арыштаваны нямецкай паліцыяй у Мінску ў ноч на 24 снежня 1942. Неўзабаве закатаваны ў канцлагеры Трасцянец.
wikipedia.org

У мерапрыемстве прымуць удзел вядомыя гісторыкі Леанід Лыч, Анатоль Тарас, Уладзімір Ляхоўскі, Анатоль Валахановіч, Алесь Пашкевіч. А таксама краязнаўцы і даследчыкі з рэгіёнаў Сяргей Чыгрын са Слоніма, Алег Мізула з Жодзішак і Сяргей Лескець з Маладзечна, іншыя грамадскія і культурныя дзеячы. Вядучы – публіцыст, даследчык, палітолаг Анатоль Астапенка.

Канферэнцыя будзе выніковым мерапрыемствам Года памяці айцоў Вінцэнта Гадлеўскага і Адама Станкевіча, які быў абвешчаны з нагоды 70 год з дня пакутніцкай смерці айца Вінцэнта Гадлеўскага і 120-годдзя з дня нараджэння Адама Станкевіча. Быў створаны аргкамітэт ушанавання іх памяці з прыцягненнем шырокай грамадскасці і прадстаўнікоў каталіцкага касцёлу. Цягам усяго года ў Мінску і іншых мясцінах Беларусі, а таксама ў Вільні і Варшаве праводзіліся мемарыяльныя мерапрыемствы.

Сяргей ЛЕСКЕЦЬ

Читайте также

В Воложинском районе загорелся зерноочистительно-сушильный комплекс. Возможно, в него попала молния
Подразделения МЧС 13 июля ликвидировали возгорание на зерноочистительно-сушильном комплексе вблизи деревни Городечно Воложинского района.
Идем на игры зелено-белых даже на костылях. Почему болельщики футбольного клуба «Молодечно» проигрывают в чемпионате Беларуси своей же команде?
В Молодечно 7 июля матч первой лиги чемпионата Беларуси по футболу между зелено-белыми и ФК «Макслайн» собрал 845 болельщиков. Молодечненцы не лидируют в чемпионате по посещаемости игр своей команды, несмотря на то, что она – безусловный лидер первенства.
«Курорт мирового масштаба». Узнали, как оценили новый пляж в Мяделе гости субботнего праздника
В субботу, 13 июля, на обновленном пляже озера Мястро «Моё место» в Мяделе прошло мероприятие «Танцуй, пока молодой».