Смаргонка Надзя Шчарбачэвіч атрымала дыплом за яркі сцэнічны вобраз на конкурсе юных выканаўцаў “Маладзічок”
Сярод яе ўзнагарод на VI Адкрытым конкурсе юных выканаўцаў эстраднай песні “Маладзічок-2015” – ганаровая грамата за выразнае выкананне песні на беларускай мове і актыўны ўдзел у прапагандзе беларускага нацыянальнага майстэрства, а таксама падзяка за высокі выканаўчы узровень.
Надзя Шчарбачэвіч выступала ў самай юнай узроставай групе – ад 6 да 9 гадоў.
– Надзя вучыцца ў нашай школе, яна – выхаванка Таццяны Елізаравай, – расказвае Марына Пахомава, намеснік дырэктара школы мастацтваў імя Агінскага. – Неаднаразова станавілася і прызёрам, і пераможцай песенных конкурсаў. Вельмі таленавітая і працавітая дзяўчынка, мае цудоўны голас і выдатна трымаецца на сцэне.
У конкурсе “Маладзічок” прынялі ўдзел 77 юных выканаўцаў у чатырох узроставых катэгорыях. Былі прадстаўнікі з усіх абласцей Беларусі, а таксама Расіі і Латвіі.
Узначальваў журы вядомы беларускі кампазітар Алег Елісеенкаў. Ацэньвалі выступленні і зоркі беларускай эстрады Пётр Ялфімаў і Жанет.
Паводле сайта газеты “Светлы шлях”
Нашли ошибку в тексте? Выделите ее и нажмите Ctrl + Enter
Читайте также
