Опубликовано: 30 января 2015, 15:11
29

Краязнаўцы Пастаўшчыны зладзілі прэзентацыю новых кніг (ФОТА)

25 студзеня ў Варапаеўскай пасялковай бібліятэцы Пастаўскага раёна адбылася сустрэча чытачоў з краязнаўцамі Пастаўшчыны, якія прэзентавалі свае новыя кнігі.

На гэты раз перад прысутнымі выступілі Ігар Пракаповіч, Мікалай Арэх і Франц Хоміч. Усе яны – нястомныя шукальнікі даўніны, аўтары шматлікіх публікацый і выданняў пра родны край.

Ігар Пракаповіч, настаўнік геаграфіі Пастаўскай гімназіі, член саюза пісьменнікаў Беларусі, прэзентаваў матэрыялы свайго вучэбна-метадычнага комплекса па краязнаўстве, у які ўваходзіць калярова ілюстраваны дапаможнік “Чароўны край – Пастаўшчына”, сшытак для вучняў “Ці ведаеце вы Пастаўскі край?” і дыск, на якім запісаны аўтарскія прэзентацыі па ўсіх параграфах дапаможніка, а таксама фотаздымкі пастаўскіх фатографаў.

Изображение 2

Ён жа, і настаўнік гісторыі Гуцкай школы Мікалай Арэх, расказалі пра сваю сумесную кнігу “Рымкі: вёска на краі вечнасці”, прадэманстраваўшы слайды са здымкамі карт, схем, сучаснымі і даўнейшымі фотаздымкамі гэтага паселішча і яго ваколіц.

Франц Хоміч, былы настаўнік Дунілавіцкай школы, стваральнік невялікага прыватнага музея “Простыя рэчы”, цікава распавёў пра асноўныя тэмы сваёй кнігі “Дунілавічы ад ВКЛ да БССР”, якая толькі што выйшла з друку.

Изображение 1

Выступленні выклікалі жывы інтарэс у прысутных, што выявілася ў шматлікіх пытаннях і пажаданнях, якія прагучалі напрыканцы сустрэчы. Усе ўдзельнікі імпрэзы сышліся ў думках, што кожная вёска з’яўляецца каштоўным складнікам нашай цывілізацыі і таму матэрыялы пра паселішчы неабходна рупліва збіраць, апрацоўваць і захоўваць для нашчадкаў.

Ігар ПРАКАПОВІЧ
Фота Край.бай прадастаўлены Ігарам ПРАКАПОВІЧАМ



Читайте также

В Поставском районе браконьер поймал косулю на петлю и закопал останки в заброшенном саду - его нашли, мясо забрали
Охотник, как оказалось, ранее уже привлекался к ответственности за незаконную охоту с помощью металлических петель и признался в незаконной добыче самки косули сеголетка.
Белорусские дорожники научились класть асфальт в снег. Оказывается, так можно
Белорусские дорожники работают по технологии, даже когда укладывают асфальтобетон в снег.
Свадьба месяца. Виктория и Влад Казановичи из Вилейки: «Мне нужно доучиться, поэтому и речи ни о какой росписи не было»
До знакомства с Викой Влад Казанович служил в армии, а его бывшая девушка так и не дождалась увольнения. Как раз тот случай, когда не было бы счастья, да несчастье помогло – Влад познакомился с Викой, 28 января они официально стали женой и мужем.