«Фамільны альбом» прэзентуе ў Вілейцы мастак Аляксандр Сільвановіч

Пра гэта Край.бай паведаміла навуковы супрацоўнік Вілейскага краязнаўчага музея Надзея Аўдзей.

Даведка Край.бай: Аляксандр Сільвановіч нарадзіўся 17 чэрвеня 1965 года ў г. Гродна. Скончыў Рэспубліканскую школу па музыцы і выяўленчаму мастацтву імя А. Ахрэмчыка. Вышэйшую адукацыю атрымаў у Беларускай акадэміі мастацтваў на аддзяленні манументальна-дэкаратыўнага мастацтва. З 1996 года – сябра Саюза мастакоў Беларусі.

Па словах Надзеі Аўдзей, творчасць Аляксандра Сільвановіча праяўляецца ў цікавасці да кірунку прадметнага сімвалізма. Падключаючы ігру асацыяцый, міжволі ўзнікае жаданне паразважаць, каб трапіць у сутнасць вобразнай ідэі або паспрабаваць разгадаць таемнасць паэтычнай недаказанасці.

Мастак з’яўляецца ўдзельнікам шматлікіх пленэраў у Беларусі, Польшчы, Літве, Харватыі і Грэцыі. Яго работы знаходзяцца ў калекцыі  Музея сучаснага выяўленчага мастацтва (Мінск), Полацкай мастацкай галерэі, Гродзенскага гісторыка-археалагічнага музея, а таксама ў прыватных айчынных і замежных калекцыях.

Знаёмства з творчасцю Аляксандра Сільвановіча пройдзе ў выставачнай зале імя Н. Сілівановіча. Пачатак ў 17.00.

Юлія ЛАХВІЧ