Маладзечанскія парафіі не пусцілі Гродна і Докшыцы нават у паўфінал турніру па міні-футболе (ФОТА)
Шосты турнір па міні-футболе памяці ксяндза Міхала Сапоцькі адбыўся 12 верасня ў Беразінскім Маладзечанскага раёна. Удзельнічалі каманды парафій з Маладзечна, Беразінскага, Докшыц, Мінска і Гродзенскай духоўнай семінарыі.
Усяго – восем каманд:
1. “Кронан” (Вышэйшая духоўная семінарыя г. Гродна).
2. ПФК – парафіяльны футбольны клуб (парафія Святой Тройцы г. Докшыцы).
3. ПФК (парафія Беззаганнага Зачацця Найсвяцейшай Панны Марыі г. Мінск).
4. “Catholic Crew” (парафія Св. Юзэфа г. Маладзечна).
5. ПФК (парафія Св. Юзэфа г. Маладзечна).
6. “Колас” (г. Маладзечна).
7. ПФК Беразінскае (парафія Божага Цела).
8. “Радасць” (парафія Божага Цела а/г Беразінскае).
На першым этапе спаборніцтваў іх разбілі на дзве групы, і гульні прайшлі па кругавой сістэме.
Каманды “Catholic Crew” (Маладзечна) і парафіяльны футбольны клуб (ПФК) з Докшыцаў
"Радасць" (Беразінскае) і "Кронан" Гродзенскай духоўнай семінарыі
Па выніках першага этапа ўтварылі пары для другога: першыя месцы адной групы гулялі з чацвертымі месцамі, другія – з трэцімі:
1. ПФК (Докшыцы) – “Catholic Crew” (Маладзечна) – 1:7 (Докш. – Садавой; Мал. – Клімячыц-3, Рыжэвіч-3, Каспяровіч)
2. "Кронан" (Гродна) – "Колас" (Маладзечна) – 0:3 (Вяршынін-2, Гулецкі)
3. ПФК (Мінск) – ПФК (Маладзечна) – 2:3 (Мн. – Свірыда-2; Мал. – Галковіч-2, Грыб)
4. "Радасць" – ПФК Беразінскае – 0:5 (Суш, Дараховіч, Сідараў, Канапелька, Бублевіч).
На полі – каманды з Гродна і Мінска
Момант гульні паміж камандамі "Радасць" і "Catholic Crew"
Гуляюць Гродна і Мінск
"Радасць" ідзе ў атаку
Пераможцы другога этапа ўтварылі паўфінальныя пары. Каманды “Радасць” (Беразінскае) і ПФК (Мінск) згулялі суцяшальны матч. Перамагла “Радасць” – 4:3.
Вынікі паўфіналаў:
1. "Catholic Crew” – "Колас" – 5:1 (СС – Смаленскі-3, Кавалеўскі-2; Кол. – Дзівас)
2. ПФК (Беразінскае) – ПФК (Маладзечна) – 1:4 (Бер. – Сідараў; Мал. – Свірыда, Сачак, Грыб, аўтагол Бер.)
Матч за трэцяе месца паміж ПФК (Беразінскае) і "Коласам" завяршыўся перамогай гаспадароў пляцоўкі – 4:3.
У фінале сустрэліся футбалісты парафіі касцёла св. Юзэфа, але з розных каманд – “Catholic Crew” і ПФК. Асноўны і дадатковы час пераможцу не вызначыў – 1:1. Па пенальці (5:4) перамаглі “Catholic Crew”.
Пенальці
Гол у вароты “Catholic Crew”
Яе футбалісты атрымалі пераходны Кубак і дыплом. Прызёры – ПФК (Маладзечна) і ПФК (Беразінскае) –
таксама атрымалі дыпломы.
Пераможцы – “Catholic Crew” – з кубкам. Злева – арганізатар турніру кс. Сяргей Бараўнёў з Беразінскага
Найбольшую колькасць галоў – 26+5 пенальці – у турніры забіла каманда “Catholic Crew”.
Пасля ўручэння кубка і фатаграфавання пераможцаў усе ўдзельнікі адправілся на святочны абед.
Затым усе ахвотныя наведалі канцэрт класічнай музыкі, які далі ў касцёле музыканты Маладзечанскага музычнага каледжа імя М.-К. Агінскага.
Валеры ТРАЦЯК
Фота аўтара і Сяргея БАРАЎНЁВА
Читайте также
