Саву, як сімвал мудрасці і ведаў, атрымалі “Філосафы”. У маладзечанскім “Растку” прайшла інтэлектуальная гульня
Другі этап (фінала) раённай конкурснай інтэлектуальнай гульні “Эрудыт - 2016” прайшоў у Дзіцячым цэнтры культуры “Расток” Маладзечна.
8 каманд-фіналістаў раённай конкурснай інтэлектуальнай гульні “Эрудыт-2016” (па выніках І этапа-паўфінала) спаборнічалі за права называцца эрудытамі 2016 года сярод вучняў 10-х – 11-х класаў сярэдніх адукацыйных устаноў. У выніку рашаючыя 15 балаў прынеслі заслужаную перамогу камандзе “Філосафы” з гімназіі № 10 г. Маладзечна.
Падчас інтэлектуальнага паядынку ўдзельнікі паказалі свае веды па тэме “Падарожжа ў свет культуры і гісторыі роднай зямлі”. Фіналісты паспяхова справіліся з пытаннямі, якія прапанавалі навуковыя супрацоўнікі Мінскага абласнога краязнаўчага музея Вольга Шылько і Наталля Сухіна. Яны ж разам з дырэктарам “Растка” Наталляй Соніч ўвайшлі ў склад журы.
Падчас інтэлектуальнага паядынку
Пасля падвядзення вынікаў са словамі падзякі і віншаваннямі выступіла старшыня журы, пасля чаго адбылася цырымонія ўзнагароджвання. Усе каманды і кіраўнікі атрымалі дыпломы і падзячныя лісты. Самы хвалюючы момант настаў, калі члены журы аб’явілі імёны пераможцаў турніру. Фаварытам гульні ўручылі дыплом за перамогу, медалі, а таксама саву – сімвал мудрасці і ведаў.
Па матэрыялах прэс-рэлізу, прадастаўленага Дзіцячым цэнтры культуры “Расток”
Читайте также
