Мітрапаліт Тадэвуш Кандрусевіч наведаў Радашковічы Маладзечанскага раёна (ФОТА)
Каталіцкія вернікі пасёлка 11 лістапада сустракалі ў парафіі Святой Тройцы мітрапаліта Мінска-Магілёўскага, арцыбіскупа Тадэвуша Кандрусевіча.
Перад уваходам у касцёл яго віталі ксёндз-пробашч Валянцін Станкевіч, старшыня Радашковіцкага пассельвыканкама Віктар Неказакаў і старшыня касцельнага камітэта Станіслаў Пятроўскі, паведамляе “Маладзечанская газета”.
Пасля адбылася імша. У сваім казанні Тадэвуш Кандрусевіч звярнуў увагу на пытанні жыцця парафіі, іншыя важныя моманты сучаснага грамадства і каталіцкай веры.
Тадэвуш Кандрусевіч благаславіў Радашковіцкую каталіцкую парафію. На заканчэнне імшы ў памяць аб гэтай сустрэчы юнакі і дзяўчаты паднеслі мітрапаліту кветкі і падарылі керамічныя кубкі.
Паводле “Маладзечанскай газеты”
Читайте также
