Міністр культуры і старшыня Мінаблвыканкама адзначылі важнасць для Міншчыны і Беларусі фестывалю "Маладзечна-2013"
Па словах старшыні аблвыканкама, ад гэтага года другі дзень на фестывалі будзе прадстаўляць адна з абласцей Беларусі.
"Гэты фестываль – трынаццаты па ліку. Ад папярэдніх ён адрозніваецца тым, што сёлета спаўняецца 75 гадоў Мінскай вобласці, 20 гадоў таму адбыўся першы фестываль песні і паэзіі, хутка Маладзечна будзе святкаваць сваё 625-годдзе, – адзначыў перад афіцыйным адкрыццём мерапрыемства Барыс Батура, выступаючы перад журналістамі. – Нацыянальны фестываль беларускай песні і паэзіі вельмі значны не толькі для Мінскай вобласці, але і для ўсёй Беларусі. Я лічу, што ў беларускай песні, беларускай паэзіі – наша душа. Проста трэба іх слухаць – і мы станем больш добрымі".
Па словах Барыса Батуры, цяпер на фестывалі "Маладзечна-2013" другі дзень заўсёды будзе прадстаўляць адна з абласцей Беларусі. Сёлета – Мінская. У наступныя гады – іншыя.
"Сёння, 7 чэрвеня, адначасова з "Маладзечна-2013" у Паставах адкрываецца фестываль народнай музыкі "Звіняць цымбалы і гармонік". Здавалася б, фестываляў хапае. Але такія мерапрыемствы дэманструюць нашу культурную моц, нашу спадчыну", – адзначыў міністр культуры Барыс Святлоў.
Іншыя навіны пра Нацыянальны фестываль беларускай песні і паэзіі можна прачытаць ТУТ.
Святлана ЦІШКО
Читайте также
