Опубликовано: 11 июня 2013, 10:22
37

Канцэртная праграма “20 год разам з Маладзечнам!” урачыста адкрыла фестываль беларускай песні і паэзіі (ВІДЭА)

Нацыянальны акадэмічны канцэртны аркестр Беларусі пад кіраўніцтвам прафесара Міхаіла Фінберга прадставіў народную і эстрадную музычную класіку.

Святочная праграма пачалася народнай песняй “Мама” у выкананні Галіны Грамовіч, якая прагучала акапэла і аздаблялася харэаграфічнай кампазіцыяй. Салісты аркестра таксама выканалі песню “Белая Русь ты мая” на музыку Уладзіміра Мулявіна і словы Уладзіміра Скарынкіна.

Адкрылі фестываль намеснік прэм’ер-міністра Рэспублікі Беларусь Анатоль Тозік і кіраўнік Мінскага абласнога выканаўчага камітэта Барыс Батура.

Анатоль Тозік зачытаў прысутным прывітальны ліст Прэзідэнта Рэспублікі Беларусь Аляксандра Лукашэнкі, у якім адзначалася, што за гады існавання фестываль ператварыўся ў масштабнае мерапрыемства.

Барыс Батура павіншаваў усіх з пачаткам новага фестывалю, зазначыўшы, што гэты форум – на рэдкасць юбілейны: “Сёлета адзначаецца 20 гадоў ад першага фестывалю беларускай песні і паэзіі, 75-я гадавіна Мінскай вобласці, 625 гадоў ад першага ўспаміну Маладзечна”. Барыс Батура паведаміў аб рашэнні праводзіць фестываль беларускай песні і паэзіі ў Маладзечна штогод.

У выступленні таксама прагучала думка аб тым, што чарговы фестываль з нецярпеннем чакаюць не толькі ў Маладзечне, нездарма ў яго статус агульнадзяржаўнага: “Фестываль набыў шырокую папулярнасць, стаў вядомы і за мяжой. Пра гэта сведчаць шматлікія госці з Літвы, Украіны, Польшчы, Германіі”.

Вынікі конкурсу маладых выканаўцаў беларускай эстраднай песні абвясціў міністр культуры Барыс Святлоў: “Віншую з яркай перамогай! Вам апладзіруе ўся Беларусь, а не толькі Маладзечна”.

Канцэртную частку ХІІІ Нацыянальнага фестывалю беларускай песні і паэзіі “Маладзечна-2013” адкрыла ўладальніца Гран-пры конкурсу маладых выканаўцаў беларускай эстраднай песні Валерыя Грыбусава, якая прадстаўляла на конкурсе Магілёўскую вобласць.

У гэты вечар слухачы маглі пачуць музычную імправізацыю па матывах народнай песні “Цячэ вада ў ярок”, у якой па чарзе саліравалі гітара, духавыя, смычковыя, гармонь і іншыя інструменты.

Вядомыя песні з рэпертуара “Песняроў” і “Сяброў”, беларускія песні ў выкананні салістаў аркестра Руслана Мусвідаса, Юрыя Вашчука, Мікіты Осіпава, Наталлі Тамела былі добра прынятыя гледачамі.

Спелі для гасцей фестывалю Алеся Дзяржавец, ураджэнка Вілейкі, былая навучэнка Маладзечанскага музычнага каледжа імя М.-К. Агінскага, і Аляксандр Салаўёў, які ў гэтым годзе прадставіць Мінскую вобласць на фестывалі “Славянскі базар”.

Песні “Мелодыя сэрца”, “Кахай, мой сябра”, “Красуй, Беларусь” прадставілі разам усе салісты аркестра. У час канцэрта аркестр прадставіў слухачам і прэм’еру новай песні “Радзіма любая” на музыку Эдуарда Зарыцкага і словы Леаніда Дранько-Майсюка.

У канцэртнай праграме таксама прынялі ўдзел уладальнік першай прэміі фестывалю “Славянскі базар” Дзмітрый Качароўскі, Кацярына Муратава, Prima-Vera, Таццяна Глазунова, Яна Старцава.

Значная частка канцэрта была прысвечана творам класікаў беларускай музыкі і літаратуры: “Мілая мая, мы шчаслівыя былі” на словы Уладзіміра Караткевіча (Руслан Мусвідас), “Зіма ўцякае начамі” на словы Аркадзя Куляшова (Prima-Vera), песні на музыку Ігара Лучанка (Яна Старцава), “Зачараваная мая” на словы Генадзя Бураўкіна (Дзмітрый Качароўскі).

Вакальныя выступленні артыстаў аркестра спалучаліся з харэаграфічнымі кампазіцыямі Дзяржаўнага ансамбля танца Беларусі.

Фінальную частку канцэрта адкрылі паэтычныя радкі, прысвечаныя Беларусі, у выкананні народнай артысткі Беларусі Марыі Захарэвіч.

Апошняя песня прэм’ернага канцэрта “20 год разам з Маладзечнам!”, якая называлася “Красуй, Беларусь!”, прагучала ў выкананні ўсіх удзельнікаў канцэрта. Амфітэатр устаў і выразіў падзяку артыстам авацыямі.

Канцэртная праграма “20 год разам з Маладзечнам!”

Фотарэпартаж з адкрыцця фестывалю можна паглядзець ТУТ.

Вольга НЯЎЗОРАВА
Відэа Міхаіла МАРЖЭЎСКАГА

 



Читайте также

«ФК «Молодечно» хорошо подготовил «Торпедо-БелАЗ» к Лиге конференций». Зачем наши футболисты напрягались в кубковой игре против Жодино?
В белорусском футболе на стадии 1/16 финала Кубка в борьбу вступили команды высшей лиги, которые экзаменуют футболистов классом пониже. Молодечненцы проиграли 0:2 бронзовому призеру «Торпедо-БелАЗ». А нужно ли было напрягаться в этом кубковом матче? Спросили у болельщиков.
«Опель» и «Фиат» столкнулись, не доезжая Радошковичей. Люди целы, машины помяты
На автодороге Р28 «Минск – Молодечно – Нарочь», рядом с городским поселком Радошковичи, практически на границе Минского и Молодечненского районов, сегодня, 22 июня, не разъехались легковушки «Опель» и «Фиат». Обошлось без пострадавших, но машины повреждены.
День, который без оркестров – сегодня началась война. Молодая семья в Молодечно вспомнила своих родных погибших героев
Молодечненцы сегодня, 22 июня, в парке имени Победы почтили память всех, кого забрала война. И не вернувшихся с фронта, и погибших в концлагерях, и не выживших в тылу, и умерших от ран после победы.